شقو ەكٸمٸ دانيال احمەتوۆ اۋدانعا ارنايى كەلٸپ, الىنعان ٷيلەردٸ ارالاپ, جەكە ٶزٸ تەكسەرٸپ شىقتى. حالىقتىڭ قۋانىشىنا ورتاقتاسقان ايماق باسشىسى تارتۋىن دا جاساپ, ەر شاڭىراققا تەلەديداردان تابىس ەتتٸ.
ەستەرٸڭٸزگە سالا كەتسەك, ناۋرىزدىڭ 11 كٷنٸ اياگٶز قالاسىندا كٸشٸ ٶزەن سۋى ارناسىنان اسىپ, نەتيجەسٸندە 189 ٷي زارداپ شەككەن ەدٸ. سەگٸزٸ قيراپ, جالپى سانى 32 ٷي بٷگٸندە مٷلدە تۇرۋعا جارامسىز دەپ تانىلدى. شقو ەكٸمٸ دانيال احمەتوۆ تاپسىرماسى بويىنشا بٸر اپتا ٸشٸندە 49 ملن 500 تەڭگەگە 12 ٷي ساتىلىپ الىنىپ, قۇجاتتارى رەسٸمدەلدٸ.
– مەن كەلگەندە 8 ٷي قۇلاپ جاتقان. تاعى 10 شاقتى ٷي بۇزىلىپ تۇرعان بولاتىن. قازٸر ولار دا قيراپ قالدى. كوميسسييا جۇمىسىنىڭ قورىتىندىسى 40 شاقتى پەتەردٸ اپاتتى جاعدايدا دەپ تانىپ وتىر. ول ٷيلەردٸڭ يەلەرٸنە دە قاراجات بٶلٸپ, باسپانا بەرەمٸز, – دەدٸ وبلىس ەكٸمٸ دانيال احمەتوۆ.
ايتا كەتۋ كەرەك, اۋدانعا بٷگٸندە 34 ملن 255 مىڭ تەڭگەگە گۋمانيتارلىق كٶمەك كٶرسەتٸلدٸ. سوناۋ اتىراۋ, الماتى, پاۆلودار وبلىستارىنان دا ازىق-تٷلٸكپەن قاتار, قۇرىلىس ماتەريالدارى جەتكٸزٸلدٸ.
بۇدان بٶلەك, شىعىس قازاقستاننىڭ «پارىز» قورىنان جولدانعان 100 ملن تەڭگەنٸ قوسقاندا «اياگٶز بولاشاق» قق 169 ملن تەڭگە تٷستٸ. جينالعان بار قاراجات پەن گۋمانيتارلىق قوردى قوعام بەلسەندٸلەرٸنٸڭ قاتاڭ باقىلاۋىمەن تەك ماقساتتى ٸسكە جۇمساۋدى تاپسىردى دانيال احمەتوۆ. ٶز كەزەگٸندە اياگٶزدٸكتەر از ۋاقىت ٸشٸندە اتقارىلعان جۇمىسقا, ەسٸرەسە كٷللٸ قازاقستان حالقىنىڭ اۋىزبٸرشٸلٸگٸنە ريزاشىلىعىن بٸلدٸردٸ.
ايماق باسشىسى دانيال احمەتوۆ اياگٶز قالاسىنىڭ ەلەۋمەتتٸك-ەكونوميكالىق دامۋىنا سەرپٸن بەرٸلٸپ, الداعى تاڭدا ينفراقۇرىلىمىن جاڭارتۋ جۇمىسى اياقتالىپ, سۋ مەسەلەسٸ تٷبەگەيلٸ شەشٸلەتٸنٸن جەتكٸزدٸ.
شقو ەكٸمٸنٸڭ باسپاسٶز قىزمەتٸ
