اقمولا وبلىسىندا سۋ تاسقىنىنا قارسى ۋاقىتىلى شارا قابىلداماعان اۋدان اكىمى قاتاڭ سوگىس الدى، – دەپ حابارلايدى Dalanews.kz.
وبلىس اكىمدىگى مالىمەتىنشە، بۇلاندى اۋدانىنىڭ اكىمىنە سۋ تاسقىنىنا قارسى شارالاردى ۋاقىتىلى قابىلداماعانى ءۇشىن قاتاڭ سوگىس جاريالانعان.
"اقمولا وبلىسى اكىمىنىڭ وكىمىمەن قىزمەتتىك مىندەتتەرىن ءتيىستى دەڭگەيدە ورىنداماعانى ءۇشىن، ياعني بۇلاندى اۋدانىندا سۋ تاسقىنىنا قارسى شارالاردى ۋاقىتىلى قابىلداماعانى ءۇشىن اۋدان اكىمى ا.د. سمايىلوۆقا قاتاڭ سوگىس تۇرىندەگى تارتىپتىك جازا قولدانىلدى"، - دەپ جازىلعان حابارلامادا.
سونىمەن قاتار، ستەپنوگورسك قالاسىن اباتتاندىرۋ جۇمىستارى بويىنشا جەرگىلىكتى اتقارۋشى ورگانداردىڭ قىزمەتىن ءتيىستى دەڭگەيدە قاداعالاماعانى ءۇشىن قالا اكىمى گايدار قاسەنوۆكە سوگىس تۇرىندەگى تارتىپتىك جازا قولدانىلدى.
