دەپۋتات ولجاس نۇرالدينوۆ سۋ تاسقىنى مەن باسقا دا تٶتەنشە جاعدايلار كەزٸندە سپۋتنيكتٸك تەحنولوگييالاردى پايدالانۋدى ۇسىندى, دەپ حابارلايدى Dalanews.kz.
ول دەپۋتاتتىق ساۋالىندا گيدرولوگييالىق قىزمەتتەردٸڭ بولجامىنا سەيكەس, بيىل ەلدٸڭ بٸرقاتار ٶڭٸرٸندە سۋ تاسقىنى قاۋپٸ جوعارى ەكەنٸن ايتتى. ونىڭ ٸشٸندە اقمولا, قاراعاندى, سولتٷستٸك قازاقستان, شىعىس قازاقستان وبلىستارى جەنە اباي وبلىسى بار.
"ەلٸمٸزدە جىل سايىن بايلانىستىڭ تۇراقسىزدىعى ادامداردى قۇتقارۋ جۇمىسىن كٷردەلەندٸرەتٸن جاعدايلار بولىپ تۇرادى. قىس مەزگٸلٸندە بوران مەن بۇرقاسىنعا بايلانىستى جٷزدەگەن شاقىرىم جول جابىلىپ, ادامدار ەلدٸ مەكەندەردەن جەنە ۇيالى بايلانىس تۇراقتى ۇستايتىن ايماقتاردان شالعاي جەردە قالىپ قويادى. جول اپاتىنان كەيٸن جٷرگٸزۋشٸلەر مەن جولاۋشىلار جەدەل جەردەمدٸ نەمەسە پوليتسييانى دەر كەزٸندە شاقىرا المايتىن جاعدايلار دا از ەمەس. «اق جول» دەموكراتييالىق پارتيياسى شالعاي جەنە جەتۋٸ قيىن اۋماقتاردا سپۋتنيكتٸك بايلانىس تەحنولوگييالارىن قولدانۋ قاجەتتٸگٸن بٸرنەشە رەت كٶتەرگەن ەدٸ", – دەدٸ دەپۋتات.
ونىڭ ايتۋىنشا, بٷگٸندە Direct-to-Cell دەپ اتالاتىن جاڭا تەحنولوگييا بار. بۇل جٷيە قاراپايىم 4G/LTE سمارتفوندارىنا قوسىمشا قۇرىلعىسىز-اق تٶمەن وربيتالى سپۋتنيكتەرگە تٸكەلەي قوسىلۋعا مٷمكٸندٸك بەرەدٸ. سونىڭ ارقاسىندا حابارلاما جٸبەرۋگە, كوورديناتتاردى جولداۋعا جەنە كٶمەك تۋرالى بەلگٸ بەرۋگە بولادى.
