جىل ٶتكەن سايىن ەكٸ ەل اراسىنداعى تاۋار اينالىمى ارتىپ كەلەدٸ. ستاتايستيكالىق دەرەكتەرگە كٶز جٷگٸرتەتٸن بولساق, بيىلعى جىلدىڭ 9 ايىندا ەكٸ ەل اراسىنداعى تاۋار اينالىمىنىڭ كٶلەمٸ 18,5 ملرد دوللاردى قۇراعانىن بايقايمىز. وسىدان-اق, قازاقستان مەن رەسەي اراسىنداعى ەكونوميكالىق بايلانىستىڭ تامىرى قانشالىقتى تەرەڭدە جاتقانىن اڭعارۋعا بولادى.
دەسەكتە سوڭعى ۋاقىتتاعى دٷنيەجٷزٸندەگٸ گەوساياسي جاعداي ٶز سالقىنىن تيگٸزٸدٸ.
سقو-دا ٶتكەن القالى باسقوسۋدا بۇل مەسەلەنٸ تيٸمدٸ شەشۋ جولدارىن قوس ەلدٸڭ ٸسكەرلٸك توپ ٶكٸلدەرٸ جان-جاقتى تالقىلادى
فورۋم جۇمىسىنا ەكٸ ەلدەن جٷزدەن استام بيزنەس ٶكٸلدەرٸ قاتىستى.
– قازٸر اۆتوكٶلٸك تاسىمالدارى سالاسىندا كٶپتەگەن مەسەلەلەر بار. گەوساياسي احۋال ەۋرازييالىق وداق قۇرامىنداعى قازاقستان مەن بەلورۋس, رەسەي بيزنەسٸنە ٷلكەن ەسەر ەتتٸ. سونىڭ ٸشٸندە تاۋار تاسىمالىنا ەرەكشە مەن بەرٸلٸپ وتىر. مەسەلەن بيىلدىڭ ٶزٸندە قازاقستان ارقىلى ٶتەتٸن قىتاي مەن رەسەي اراسىنداعى جٷك تاسىمالىنىڭ كٶلەمٸ تٶرت ەسە ارتقاندىعىن ايتۋعا بولادى. سوندىقتان باحلى اۋدانىندا ٷشٸنشٸ تەمٸر جول ٶتكەلٸنٸڭ قۇرىلىسى جوسپارلانعان. ول ٷشٸن جاڭا تەمٸر جول جەلٸسٸ سالىنۋ قاجەت. بۇدان بٶلەك ەكٸ ەل اراسىنداعى 29 شەكارا بەكەتٸن كەزەڭ-كەزەڭٸمەن جٶندەۋ كٶزدەلٸپ وتىر, – دەدٸ ۇكپ تٶراعاسىنىڭ ورىنباسارى تيمۋر جاركەنوۆ.
قازاقستان مەن رەسەي اراسىنداعى بيزنەس سالاسى دا بٸتە-قايناسقان. ايتالىق, سوڭعى 15 جىلعا جۋىق ۋاقىت ٸشٸندە جالپى قۇنى 600 ملن دوللارى بولاتىن 25 ٸرٸ جوبا جٷزەگە اسقان بولاتىن.
ساۋدا ساتتىقتىڭ نەگٸز بٶلٸگٸ شەكارالاس ورنالاسقان ٶڭٸرلەرگە تيەسٸلٸ. مەسەلەن قازاقستان مەن تەك ورىنبور وبلىسى اراسىنداعى تاۋار اينالىمى 300 ملن دوللاردان اسقان. بۇل بىلتىرمەن سالىستىرعاندا بٸر جارىم ەسە جوعار.
– ەندٸ قازٸرگٸ كەزدە جيىرما تٶرت جوبا بار. سونىمەن قاتار بٸز الپىس شاقتى جاڭا جوبالاردى قاراستىرىپ جاتىرمىز. وسى جوبالاردىڭ بارلىعى قازاقستان تەرريتوريياسىندا اتقارىلاتىن بولادى. جالپى قازاقستان مەن رەسەي اراسىنداعى ساۋدا ساتتىق كٶلەمٸ 2021 جىلى 24,6 ملرد دوللارعا جەتكەن. بۇل پاندەمييالىق 2020 جىلمەن سالىستىرعاندا 31,2 پايىزعا جوعارى, – دەدٸ قر ييدم يندۋستريالدى دامۋ كوميتەتٸنٸڭ تٶراعاسى ٸليياس وسپانوۆ.
