Jyl ótken saiyn eki el arasyndaǵy taýar ainalymy artyp keledi. Stataistikalyq derekterge kóz júgirtetin bolsaq, biylǵy jyldyń 9 aiynda eki el arasyndaǵy taýar ainalymynyń kólemi 18,5 mlrd dollardy quraǵanyn baiqaimyz. Osydan-aq, Qazaqstan men Resei arasyndaǵy ekonomikalyq bailanystyń tamyry qanshalyqty tereńde jatqanyn ańǵarýǵa bolady.
Desekte sońǵy ýaqyttaǵy dúniejúzindegi geosaiasi jaǵdai óz salqynyn tigizidi.
SQO-da ótken alqaly basqosýda bul máseleni tiimdi sheshý joldaryn qos eldiń iskerlik top ókilderi jan-jaqty talqylady
Forým jumysyna eki elden júzden astam biznes ókilderi qatysty.
– Qazir avtokólik tasymaldary salasynda kóptegen máseleler bar. Geosaiasi ahýal Eýraziialyq odaq quramyndaǵy Qazaqstan men Belorýs, Resei biznesine úlken áser etti. Sonyń ishinde taýar tasymalyna erekshe mán berilip otyr. Máselen biyldyń ózinde Qazaqstan arqyly ótetin Qytai men Resei arasyndaǵy júk tasymalynyń kólemi tórt ese artqandyǵyn aitýǵa bolady. Sondyqtan Bahly aýdanynda úshinshi temir jol ótkeliniń qurylysy josparlanǵan. Ol úshin jańa temir jol jelisi salyný qajet. Budan bólek eki el arasyndaǵy 29 shekara beketin kezeń-kezeńimen jóndeý kózdelip otyr, – dedi UKP tóraǵasynyń orynbasary Timýr Jarkenov.
Qazaqstan men Resei arasyndaǵy biznes salasy da bite-qainasqan. Aitalyq, sońǵy 15 jylǵa jýyq ýaqyt ishinde jalpy quny 600 mln dollary bolatyn 25 iri joba júzege asqan bolatyn.
Saýda sattyqtyń negiz bóligi shekaralas ornalasqan óńirlerge tiesili. Máselen Qazaqstan men tek Orynbor oblysy arasyndaǵy taýar ainalymy 300 mln dollardan asqan. Bul byltyrmen salystyrǵanda bir jarym ese joǵar.
– Endi qazirgi kezde jiyrma tórt joba bar. Sonymen qatar biz alpys shaqty jańa jobalardy qarastyryp jatyrmyz. Osy jobalardyń barlyǵy Qazaqstan territoriiasynda atqarylatyn bolady. Jalpy Qazaqstan men Resei arasyndaǵy saýda sattyq kólemi 2021 jyly 24,6 mlrd dollarǵa jetken. Bul pandemiialyq 2020 jylmen salystyrǵanda 31,2 paiyzǵa joǵary, – dedi QR IIDM Indýstrialdy damý komitetiniń tóraǵasy Iliias Ospanov.
