پەتروپاۆلدا مايلى داقىلداردى ٶڭدەيتٸن «ماسلو-دەل» سەرٸكتەستٸگٸنٸڭ مايدى ەكستراكتسييالاۋ زاۋىتى ٸسكە قوسىلدى. جاڭا كەسٸپورىنعا سقو ەكٸمٸ عاۋەز نۇرمۇحامبەتوۆ بارىپ, تەحنولوگييالىق پروتسەسپەن تانىستى,- دەپ حابارلايدى Dalanews.kz
سولتٷستٸك قازاقستان وبلىسىندا ٸرٸ ينۆەستيتسييالىق جوبا سەتتٸ جٷزەگە استى, بۇل پرەزيدەنتتٸڭ اگرارلىق سالاداعى ٶڭدەلگەن ٶنٸمنٸڭ ٷلەسٸن 70%-عا دەيٸن ۇلعايتۋ جٶنٸندەگٸ تاپسىرماسىنا سەيكەس ورىندالدى.
جوباعا 34 ملرد تەڭگە ينۆەستيتسييا قۇيىلىپ, تولىق قۋاتىنا شىققاندا 220 جۇمىس ورنى اشىلادى. بيۋدجەتكە 3,2 ملرد.تگ سالىق قۇيادى.
جاڭا كەسٸپورىن جىلىنا 400 مىڭ تونناعا دەيٸن مايلى داقىلداردى ٶڭدەي الادى. ٶندٸرٸس تولىقتاي اۆتوماتتاندىرىلعان جەنە قالدىقسىز جۇمىس ٸستەيدٸ, زاماناۋي ەۋروپالىق جابدىقتارمەن قامتىلعان. زاۋىتتىڭ ٶنٸمٸ - كٷنباعىس, راپ جەنە زىعىر مايى, سونداي-اق كٷنجارا مەن شروت.
اشىلعان كٷننەن باستاپ 10 مىڭ توننا تازارتىلماعان كٷنباعىس مايى ٶندٸرٸلدٸ. كٶكتەمدە ەكستراكتسييا جەلٸسٸ ٸسكە قوسىلسا, جىل سوڭىنا دەيٸن تاماق ٶنەركەسٸبٸندە سۇرانىسقا يە لەتسيتين ٶڭدەۋ تسەحى اشىلادى.
"كەسٸپورىن شيكٸزاتتى جەرگٸلٸكتٸ ديقانداردان ساتىپ الادى, بۇل ٶڭٸردٸڭ جوعارى ەلەۋەتٸن كٶرسەتەدٸ. بيىل ەرتاراپتاندىرۋ اياسىندا مايلى داقىلداردىڭ ەگٸس القابى 85 مىڭ گەكتارعا ۇلعايتىلىپ, 760 مىڭ گەكتارعا دەيٸن جەتتٸ", - دەپ اتاپ ٶتتٸ ٶڭٸر باسشىسى.
جاڭا زاۋىتتىڭ ارقاسىندا ٶڭٸر بارلىق ٶنٸمدٸ ٶڭدەۋگە مٷمكٸندٸك الدى.
ايتا كەتەيٸك, بىلتىر سقو-دا 780 مىڭ توننا مايلى داقىل جينالسا, بٷگٸندە ٶڭدەۋ كەسٸپورىندارىنىڭ جالپى قۋاتى جىلىنا 811 مىڭ توننانى قۇرايدى.
