پەتروپاۆلداعى ورتالىق ساياباقتا بىرلىك كۇنىنە وراي اعاشتار وتىرعىزىلىپ، بىرلىك اللەياسى اشىلدى. بۇل راسىمگە سقو اكىمى عاۋەز نۇرمۇحامبەتوۆ تە قاتىستى،- دەپ حابارلايدى Dalanews.kz
"مەن قۇرمەتتى اقساقالدارىمىزدى، قازاقستان حالقى اسسامبلەياسىنىڭ وكىلدەرىن، جاستاردى جانە وبلىسىمىزدىڭ بارلىق تۇرعىندارىن قاتىسۋشى رەتىندە كورگەنىمە قۋانىشتىمىن. بىرلەسە وتىرىپ، ءبىز تاعى ءبىر جاسىل ايماق جاسادىق، ول ءبىزدىڭ بىرلىگىمىزدىڭ سيمۆولىنا اينالماق. بىرلىك اللەياسى كەزدەسۋلەر مەن پىكىر الماسۋ ورنى بولسىن، ال بىرلىك پەن دوستىق ءبىزدىڭ باستى قۇندىلىقتارىمىز بولىپ قالا بەرسىن "، -دەپ اتاپ ءوتتى وبلىس اكىمى.
بۇل كۇنى ساياباقتا ناعىز مەرەكەلىك اتموسفەرا ورنادى: بالالار قىزىعۋشىلىقپەن سۋرەت سالىپ، مەكتەپ وقۋشىلارى تابيعاتتى قورعاۋدىڭ ماڭىزدىلىعىن ەسكە سالاتىن ۇيالار جاسادى.
