سولتٷستٸك قازاقستان وبلىسىندا بٸلٸم بەرۋ سالاسىندا ەڭبەك زاڭناماسىنىڭ بۇزىلۋى انىقتالدى. بۇل تۋرالى وبلىستىق پروكۋراتۋرا مەلٸمدەدٸ, دەپ حابارلايدى Dalanews.kz.
قاداعالاۋ ورگانىنىڭ مەلٸمەتٸنشە, ٶڭٸردە ەڭبەك زاڭناماسىنىڭ ساقتالۋىنا جٷرگٸزٸلگەن تالداۋ بارىسىندا تايىنشا جەنە ۋەليحانوۆ اۋداندارىنىڭ بٸلٸم بٶلٸمدەرٸ پەداگوگتەردٸڭ قۇقىقتارىن بۇزعانى بەلگٸلٸ بولدى. اتاپ ايتقاندا, بٸلٸكتٸلٸكتٸ ارتتىرۋ كۋرستارىنان ٶتكەن مۇعالٸمدەرگە تيەسٸلٸ ٸسساپار شىعىندارى تٶلەنبەگەن.
پروكۋراتۋرا دەرەگٸنە سەيكەس, 215 پەداگوگكە تٶلەنۋٸ تيٸس قاراجاتتىڭ جالپى كٶلەمٸ 22,3 ملن تەڭگەنٸ قۇراعان. پروكۋرورلىق قاداعالاۋ نەتيجەسٸندە كٸنەلٸ لاۋازىمدى تۇلعالار زاڭعا سەيكەس جاۋاپكەرشٸلٸككە تارتىلدى. قازٸرگٸ ۋاقىتتا 128 قىزمەتكەرگە 10 ملن تەڭگە تٶلەندٸ. قالعان پەداگوگتەردٸڭ بۇزىلعان قۇقىقتارىن قالپىنا كەلتٸرۋ جۇمىستارى جالعاسىپ جاتىر.
ۆەدومستۆونىڭ مەلٸمەتٸنشە, جىل باسىنان بەرٸ وبلىستا ەرتٷرلٸ سالادا 160 قىزمەتكەردٸڭ ەڭبەك قۇقىعى قورعالعان. بٸلٸم بەرۋ سالاسى ەڭبەك زاڭناماسى جيٸ بۇزىلعان باعىتتاردىڭ بٸرٸ رەتٸندە اتالدى. پروكۋراتۋرا ەڭبەك قاتىناستارى سالاسىندا زاڭدىلىقتى قامتاماسىز ەتۋ جۇمىستارى جالعاساتىنىن مەلٸمدەدٸ.
