Soltústik Qazaqstan oblysynda bilim berý salasynda eńbek zańnamasynyń buzylýy anyqtaldy. Bul týraly oblystyq prokýratýra málimdedi, dep habarlaidy Dalanews.kz.
Qadaǵalaý organynyń málimetinshe, óńirde eńbek zańnamasynyń saqtalýyna júrgizilgen taldaý barysynda Taiynsha jáne Ýálihanov aýdandarynyń bilim bólimderi pedagogterdiń quqyqtaryn buzǵany belgili boldy. Atap aitqanda, biliktilikti arttyrý kýrstarynan ótken muǵalimderge tiesili issapar shyǵyndary tólenbegen.
Prokýratýra deregine sáikes, 215 pedagogke tólenýi tiis qarajattyń jalpy kólemi 22,3 mln teńgeni quraǵan. Prokýrorlyq qadaǵalaý nátijesinde kináli laýazymdy tulǵalar zańǵa sáikes jaýapkershilikke tartyldy. Qazirgi ýaqytta 128 qyzmetkerge 10 mln teńge tólendi. Qalǵan pedagogterdiń buzylǵan quqyqtaryn qalpyna keltirý jumystary jalǵasyp jatyr.
Vedomstvonyń málimetinshe, jyl basynan beri oblysta ártúrli salada 160 qyzmetkerdiń eńbek quqyǵy qorǵalǵan. Bilim berý salasy eńbek zańnamasy jii buzylǵan baǵyttardyń biri retinde ataldy. Prokýratýra eńbek qatynastary salasynda zańdylyqty qamtamasyz etý jumystary jalǵasatynyn málimdedi.
