سولتٷستٸك قازاقستان وبلىسى ەسٸل اۋدانىندا قاتتى جەل اپاتتى جاعدايدا تۇرعان سۋ مۇناراسىن قۇلاتتى. ەڭبەك اۋىلىنىڭ تۇرعىندارى بۇل نىساندى جٶندەۋدٸ جىلدار بويى سۇراپ كەلگەنٸن ايتادى. ابىروي بولعاندا, وقيعادان ەشكٸم زارداپ شەككەن جوق, دەپ حابارلايدى dalanews.kz.
Halyqstan باسىلىمىنا اۋىل تۇرعىندارى 15 جىل بۇرىن سالىنعان سۋ مۇناراسى ەبدەن توزعانىن جەتكٸزگەن. سٶزدەرٸنشە, بىلتىردان بەرٸ ول مٷلدەم جۇمىس ٸستەمەي, قاراۋسىز قالعان قاۋٸپتٸ نىسانعا اينالعان. جەرگٸلٸكتٸ جۇرت بٸرنەشە رەت دابىل قاعىپ, قۇزىرلى ورگاندارعا شاعىمدانعانىمەن, مەسەلە شەشٸمٸن تاپپاعان.
اقىرى قاۋٸپتٸ نىساننىڭ تاعدىرىن تابيعات شەشتٸ. كٷندٸز قاتتى سوققان جەلدٸڭ سالدارىنان كٶپ توننالىق قۇرىلىم جەرگە قۇلاعان.
قازٸر اۋىل تۇرعىندارى سۋسىز قالعان جوق. اۋدان ەكٸمدٸگٸنٸڭ مەلٸمەتٸنشە, اۋىزسۋ ەسٸل – ياۆلەنكا ماگيسترالدٸ سۋ قۇبىرى ارقىلى تٸكەلەي بەرٸلٸپ جاتىر.
“ەسٸل اۋىلدىق وكرۋگٸنە قاراستى ەڭبەك اۋىلىندا جەرگٸلٸكتٸ اتقارۋشى ورگاننىڭ بالانسىندا تۇرعان اپاتتى سۋ مۇناراسىنىڭ قۇلاعانى راس. وقيعا تٷسكٸ ۋاقىتتا اۋا رايىنىڭ كٷرت بۇزىلىپ, بٷيٸردەن سوققان قاتتى جەلدٸڭ سالدارىنان بولعان. قازٸرگٸ تاڭدا تۇرعىندارعا اۋىزسۋ بەرۋ توقتاعان جوق, جٷيە شتاتتىق رەجيمدە جۇمىس ٸستەپ تۇر”, - دەپ حابارلادى اۋدان ەكٸمدٸگٸ.
دەگەنمەن اپتاپ ىستىقتا بولعان مۇنداي جاعداي تۇرعىنداردى الاڭداتىپ وتىر.
