جۋرناليست ارمان ەۋبەكٸروۆ سپورت سالاسىن جات دٸني يدەولوگييا جاۋلاپ العانىن ايتتى, - دەپ حابارلايدى Dalanews.kz.
جۋرناليستٸڭ سٶزٸنشە, سپورتشىلاردىڭ تاريح پەن مەدەنيەتتٸ, ساياساتتى بٸلۋٸ ٶتە سيرەك كەزدەسەتٸن قۇبىلىس.
"سوندىقتان, ولاردىڭ قۇرۋلى تۇرعان تۇزاققا تٷسۋٸ وپ-وڭاي. ەلدوس التىن العان كٷنٸ "بٸزدٸڭ جاماعاتتىڭ ٶكٸلٸ جەڭٸسكە جەتتٸ" دەپ ماقتانعانداي ونىڭ سەجدە جاساپ جاتقان سۋرەتٸن جارىسا تاراتقاندار كٸمدەر? سەجدەگە باسىن تيگٸزگەن ادام وسىنداي جەتٸستٸككە جەتەدٸ دەگەندەي يشارا, استىرتىن يدەولوگييالىق ناسيحات قاتتى جٷردٸ. ەگەر مەسەلە دٸندە بولسا, ٶتكەن جولعى وليمپيادادا نەگە بٸر التىن المادىق? "اللاھتىڭ قالاۋىمەن" دەپ بارلىعى ساقال سيپاپ قۇر قايتقان جوق پا? راس, ەلدوس تاباندى جٸگٸت. قاجىرلى ەڭبەگٸمەن اسۋ بەرمەس بەلەستٸ باعىندىردى.
ٶز-ٶزٸن دەلەلدەدٸ. اللاھتىڭ ەمەس, ەڭبەكتٸڭ ارقاسى. دايىندالماسا, ٷزدٸكسٸز جاتتىقپاسا, اللاھ وعان دىم دا بەرمەس ەدٸ. دٸن جولىندا بولسا دا, بولماسا دا ەربٸر قازاقتىڭ جەتٸستٸگٸنە قۋانامىز. ٶيتكەنٸ بٸز ەڭ بٸرٸنشٸ قازاقپىز. ال ەندٸ ونى جالپى قازاقتان بٶلەكتەپ, جاماعاتتىڭ ٶكٸلٸ رەتٸندە يدەولوگييالىق ناسيحات قۇرالىنا اينالدىرۋ - اسا قاۋٸپتٸ ٷردٸس. ونسىز دا دٸن شىرماۋىنا تٷسكەن سپورت سالاسىن ودان سايىن قارا تۇنەككە باتىرۋ دەسەك تە بولادى. بەرٸمٸز بٸر قازاقپىز. ەرۋاق دەپ بابالارىمىز جاۋعا شاپقان. تەگٸمٸزدٸ, تامىرىمىزدى ۇمىتپايىق. سپورتشىلارعا تاريح پەن ۇلتتىق مەدەنيەتتٸ وقىتۋ كەرەك-اۋ", - دەپ جازدى جۋرناليست .
ەسكە سالايىق, 27 شٸلدەدە ۇلتتىق قۇراما كٶشباسشىسى ەلدوس سمەتوۆ (60 كگ) پاريج وليمپياداسىنىڭ فينالىندا التىن مەدالدٸ جەڭٸپ الدى.
قازاق پالۋانى پاريجدەگٸ ويىنداردىڭ فينالىندا لۋكا محەيدزەمەن (فرانتسييا) كٷرەسٸپ, قارسىلاسىنان باسىم تٷستٸ.
وسىلايشا, ەلدوس سمەتوۆ وليمپ شىڭىن باعىندىرىپ, ەسٸمٸن قازاق سپورتى تاريحىنا التىن ەرٸپپەن قاشاپ جازدى.
تارازدىق تاتامي شەبەرٸ وسىعان دەيٸن 2016 جىلى ريو وليمپياداسىندا فينالعا شىققانىمەن قارسىلاسىنا ەسە جٸبەرٸپ, كٷمٸسپەن كٷپتەلگەن. ال توكيوداعى ويىنداردا تورنيكە چكادۋانى جىعىپ, ٷزدٸك ٷشتٸكتٸ تٷيٸندەگەن. ال بٷگٸن ەلدوس ٶمٸرٸندەگٸ باستى بەلدەسۋدە بار شەبەرلٸگٸن پاش ەتتٸ.
