ءماجىلىس دەپۋتاتى باقىتجان بازاربەك پالاتانىڭ جالپى وتىرىسىندا سوت جۇيەسىندەگى ءبىرقاتار وزەكتى ماسەلەلەردى كوتەردى، دەپ حابارلايدى Dalanews.kz.
ونىڭ ايتۋىنشا، زاڭدى كۇشىنە ەنگەن سوت شەشىمدەرى ءتيىستى دەڭگەيدە ورىندالماي كەلەدى. بۇل ماسەلەنى تۇبەگەيلى شەشۋ ءۇشىن زاڭنامانى جەتىلدىرىپ، قوعامنىڭ قازىرگى قاجەتتىلىكتەرىنە ساي وزگەرىستەر ەنگىزۋ قاجەت.
"مەن ءماجىلىستىڭ قابىلداۋ بولمەسىندە ءبىر كۇندە 160-تان استام ازاماتتى قابىلدادىم. بۇل – حالىقتىڭ پارلامەنتكە سەنىم بىلدىرەتىنىن كورسەتەدى. ءبىراق جەرگىلىكتى دەڭگەيدە شەشىلۋى ءتيىس ماسەلەلەردىڭ ورتالىققا دەيىن جەتۋى – جەرگىلىكتى بيلىك ورگاندارىنىڭ جۇمىسىندا ولقىلىقتار بارىن اڭعارتادى"، – دەدى دەپۋتات.
ونىڭ پىكىرىنشە، مۇنداي جاعدايلاردى بولدىرماۋ ءۇشىن جەرگىلىكتى اتقارۋشى ورگانداردىڭ جاۋاپكەرشىلىگىن كۇشەيتۋ قاجەت. سونىمەن قاتار، سوت جۇيەسى ادىلدىك پەن اقيقاتتىڭ، ەڭ باستىسى، ازاماتتاردىڭ قۇقىقتارىن جان-جاقتى قورعايتىن ينستيتۋتقا اينالۋى ءتيىس.
"ازىرگە بۇل ماقسات تولىق ورىندالماي وتىر. تاعى ءبىر تۇيتكىل – قوعامدا ماسەلەلەردى «شەشىپ بەرۋگە" ماماندانعان دەلدالداردىڭ، ياعني "پوموگايكالاردىڭ" كوبەيۋى. مۇنداي ارەكەتتەرگە زاڭ اياسىندا قاتاڭ توسقاۋىل قويۋ كەرەك»، – دەدى باقىتجان بازاربەك.
ايتا كەتەيىك، ءماجىلىستىڭ بۇگىنگى وتىرىسىندا پرەزيدەنت قاسىم-جومارت توقايەۆتىڭ ساياسي رەفورمالارى تالقىلانىپ جاتىر. جيىنعا دەپۋتاتتارمەن قاتار عالىمدار، ساراپشىلار جانە ب ا ق وكىلدەرى دە قاتىسۋدا.
