جىل سايىن ءار ەلدىڭ جۇزدەن استام مەكەمەلەرى، جاپونيادان باستاپ اقش-قا دەيىن، بەس قۇرلىقتا قازىرگى زامانعى ماڭىزدى ماسەلەلەردى تالقىلاۋعا زياتكەرلەردىڭ، عالىمداردىڭ، سۋرەتشىلەر جانە ارتىستەردىڭ، سونداي-اق قوعام قايراتكەرلەرىنىڭ باسىن قوساتىن جاقسى ءداستۇر قالىپتاسقان. پىكىرتالاس كەزدەسۋلەرىن باقىلاۋعا جانە قاتىسۋشىلارعا بەلگىلى ءبىر ۋاقىت ىشىندە سۇراق قويۋعا مۇمكىندىك بەرەتىن زاماناۋي تەحنولوگيالار كومەگىمەن ورتاق تاقىرىپپەن پىكىر الماسۋعا مۇمكىندىك تۋادى. بيىل الماتىدا «وي-پىكىرلەر تۇنىندە» ستۋدەنتتەرمەن جانە كورەرمەندەرمەن تىكەلەي جانە ينتەرنەت جەلىسىندە ونلاين-كورسەتىلىم ارقىلى وزەكتى ماسەلەلەردى تالقىلاۋ جانە پىكىر الماسۋ ماقساتىندا فرانسيا مەن قازاقستاننىڭ ونەر قايراتكەرلەرى، قوعامدىق عىلىمدار سالاسىنداعى زەرتتەۋشىلەر، ساۋلەتشىلەر، پىكىرتالاس شەبەرلەرى جانە جۋرناليستەر قازۇپۋ جانىنداعى سوربوننا-قازاقستان ينستيتۋتىنىڭ قابىرعاسىندا كەزدەستى.
پىكىرتالاس ءۇش كەزەڭنەن تۇردى. ءبىرىنشى سەسسياسى ساعات 17.00-دەن 18.00-گە دەيىن ستۋدەنتتىك كونكۋرس نەگىزىندە «پىكىرتالاستار مەكتەبى» تاقىرىبىندا ۇيىمداستىرىلدى. كونكۋرسقا الدىن الا ىرىكتەۋدەن وتكەن الماتى قالاسىنىڭ فرانسۋز اليانسى جانە سوربوننا-قازاقستان ينستيتۋتىنىڭ باكالاۆريات جانە ماگيستراتۋرا ستۋدەنتتەرى قاتىستى.
داۋىس بەرۋ جولىمەن پىكىرتالاسقا قاتىسۋعا ىرىكتەلگەن ستۋدەنتتەر مەن ماگيسترانتتارعا «قالالىق نىسانىنىڭ مەنشىك يەسى ارحيتەكتۋرالىق شەشىمدەر قابىلداۋدا ەركىندىككە يە» تاقىرىبى تاڭدالدى. قازىلار القاسىنىڭ شەشىمى مەن كورەرمەندەردىڭ ارنايى Whatsapp نومەرى ارقىلى داۋىس بەرۋ قورىتىندىسى بويىنشا انىقتالعان جەڭىمپازعا كونكۋرس دەمەۋشىلەرىنىڭ ءبىرى Air Astana اۋە كومپانياسىنان استانا-پاريج-استانا باعىتى بويىنشا تەگىن بيلەت بەرىلدى.
قازىلار القاسىنىڭ قۇرامىندا الماتى قالاسىنداعى فرانسيانىڭ باس كونسۋلىنىڭ وكىلدەرى، پىكىرتالاس پلەنارلىق سەسسيالارىنىڭ قاتىسۋشىلارى، UrbanTalks پلاتفورماسىنىڭ وكىلدەرى بار. داۋىس بەرۋ قورىتىندىسى بويىنشا «پىكىرتالاستار مەكتەبىنىڭ» جۇلدەسىن جانار كارىپبەكوۆا، ازامات جايلاۋبايەۆ، ارايلىم قالييەۆا، اليا اقپايەۆا باستاعان №1 كوماندا وكىلدەرى جەڭىپ الدى، ال باس جۇلدە ارايلىم قالييەۆاعا تابىستالدى.
پلەنارلىق پىكىرتالاستىڭ ەكىنشى سەسسياسىنا تاريحشى، شىعىس تىلدەرى جانە وركەنيەتتەرى ۇلتتىق ينستيتۋتىنىڭ (INALCO) حالىقارالىق ىنتىماقتاستىق ماسەلەلەرى جونىندەگى ۆيسە-پرەزيدەنتى انن گرينبەرگ، پاريج-ديدرو ۋنيۆەرسيتەتىنىڭ حالىقارالىق ىنتىماقتاستىق ماسەلەلەرى جونىندەگى ۆيسە-پرەزيدەنتى انتۋان كازە، سوربوننا-قازاقستان ينستيتۋتىنىڭ عىلىمي-زەرتەۋ قىزمەتىن ۇيلەستىرۋشى لاۋرا تۇراربەك، سانگەر ايكا الەمى قاتىستى. كەزدەسۋدىڭ مودەراتورى فرانسيانىڭ ورتالىق ازيانى زەرتتەۋ ينستيتۋتىنىڭ (IFEAC) ديرەكتورى كاترين پۋجول بولدى. قاتىسۋشىلار قازىرگى الەمنىڭ وزەكتى ماسەلەلەرىن تالقىلادى. پىكىرتالاستار فرانسۋز تىلىندە جۇرگىزىلىپ، قازاق جانە ورىس تىلدەرىنە سينحروندىق اۋدارما جاسالدى.
ءۇشىنشى پلەنارلىق پىكىرتالاستىڭ سەسسياسى «بيلىكتەگى قيال: قالانى وزگەرتۋدەگى ەكولوگيالىق پىكىرلەر» تاقىرىبىندا ءوتىپ، قازىرگى زامانعى ۋربانيستيكاعا قاتىستى وزەكتى ماسەلەلەردى تالقىلاندى. بۇل تاقىرىپ بويىنشا پىكىرالماسۋدى فرانسيانىڭ ورتالىق ازيانى زەرتتەۋ ينستيتۋتىنىڭ (IFEAC) ديرەكتورى كاترين پۋجول، الەۋمەتتىك عىلىم سالاسىن زەرتتەۋشى، CERI-Sciencesرo ادريان فوۆ، «Forbes Kazakhstan» جۋرنالىنىڭ قازاقستاندىق بيزنەس بويىنشا رەداكتورى ارداق بۋكەيەۆا، ونەرتانۋشى، كورمەلەردىڭ تالىمگەرى ۆالەريا يبرايەۆا، تابيعي تاريح مۇراجايىنىڭ قۇرمەتتى پرەزيدەنتى جيل ءبوف، Urban Talks پلاتفورماسىنىڭ نەگىزىن قالاۋشى انەل مولداحمەتوۆا قىزدىردى.
ريمما جانبايەۆا
https://dalanews.kz/33421
