2025 جىلعا قاراي مەملەكەتتىك باعدارلاما بويىنشا 20 ءىرى كلينيكا سالىنادى. قۇرىلىس مەملەكەتتىك-جەكەمەنشىك سەرىكتەستىك نەگىزىندە جۇزەگە اسىرىلادى.
– ۇكىمەت پەن اكىمدەر بۇل تاپسىرمانى مۇلتىكسىز ورىنداۋعا ءتيىس. بۇكىل الەمدە پاندەميا قايتا ءورشىپ كەتۋى دە مۇمكىن. سول ءۇشىن، جۇقپالى اۋرۋلاردى ەمدەيتىن كلينيكالاردىڭ بارلىعىن حالىقارالىق ستاندارتتارعا سايكەستەندىرۋىمىز كەرەك، – دەدى مەملەكەت باسشىسى قاسىم-جومارت توقايەۆ ءوز سوزىندە.
2010 جىلدار دەنساۋلىق ساقتاۋ سالاسىندا وڭتايلاندىرۋ جۇمىستارى جۇرگىزىلىپ، ناتيجەسىندە ينفەكسيالىق اۋرۋحانالارداعى توسەك ورىن سانى 1000 ورىنعا كەمىگەن ەكەن. ەندى وسى ولقىلىقتىڭ ورىنىن تولتىرۋ كوزدەلىنۋدە.
كوروناۆيرۋس ىندەتىنىڭ جاقىن ۋاقىتتا جويىلىپ كەتپەيتىنىن ەسكەرسەك، ەلىمىزدە دەنساۋلىق ساقتاۋ سالاسىنا ايرىقشا كوڭىل ءبولۋ ءىسى كەزەك كۇتتىرمەيتىنىن شارۋا ەكەنىن بايقاۋعا بولادى. الداعى ۋاقىتتا دەنساۋلىق ساقتاۋ مينيسترلىگى ەل ازاماتتارىنىڭ سانيتارلىق-مەديسينالىق بىلىكتىلىگىن كوتەرۋ باعىتىندا جۇمىس ىستەيتىن بولادى. بۇدان باسقا مەملەكەت باسشىسى مينيسترلىك ەلدىمەكەندەر اراسىندا جەدەل مەديسينالىق كومەك كورسەتۋدىڭ دامىتۋ بارىنشا دامىتۋعا قاتىستى ناقتى تاپسىرما بەردى.
