سولتٷستٸك قازاقستان وبلىسىنىڭ ايىرتاۋ اۋدانىندا 13 جاستاعى قىزدى الداپ ەكەتٸپ, زاڭسىز ۇستاپ, زورلادى دەگەن كٷدٸكپەن 40 جاستاعى ەر ادام ۇستالدى, دەپ حابارلايدى dalanews.kz.
الدىن الا مەلٸمەت بويىنشا, وقيعا 1 شٸلدە كٷنٸ كەشكٸ ساعات 18:00 شاماسىندا بولعان. كەمەلەتكە تولماعان قىز دٷكەننەن شىققان كەزدە 40 جاستاعى ەر ادام وعان موتوتسيكلمەن سەرۋەندەۋدٸ ۇسىنىپ, الداپ ٶزٸمەن بٸرگە الىپ كەتكەن.
وسىلايشا كٷدٸكتٸ قىزدى اۋىل سىرتىنا شىعارىپ, سول جەردە زاڭسىز ۇستاپ, زورلاعان. وقۋشىنى ٸزدەۋ جۇمىستارى تٷنٸ بويى جالعاسقان. تەك تاڭعى ساعات 05:00 شاماسىندا قىز اۋىلدان تىس جەردەن تابىلعان.
قازٸرگٸ ۋاقىتتا قىلمىس جاسادى دەگەن كٷدٸكپەن ەر ادام قۇقىق قورعاۋ ورگاندارى تاراپىنان ۇستالدى. تەرگەۋ جٷرگٸزٸلٸپ جاتىر. جاسالعان قىلمىستىڭ اۋىرلىعىن ەسكەرە وتىرىپ, كٷدٸكتٸ ٶمٸر بويىنا باس بوستاندىعىنان ايىرىلۋى مٷمكٸن.
