Soltústik Qazaqstan oblysynyń Aiyrtaý aýdanynda 13 jastaǵy qyzdy aldap áketip, zańsyz ustap, zorlady degen kúdikpen 40 jastaǵy er adam ustaldy, dep habarlaidy dalanews.kz.
Aldyn ala málimet boiynsha, oqiǵa 1 shilde kúni keshki saǵat 18:00 shamasynda bolǵan. Kámeletke tolmaǵan qyz dúkennen shyqqan kezde 40 jastaǵy er adam oǵan mototsiklmen serýendeýdi usynyp, aldap ózimen birge alyp ketken.
Osylaisha kúdikti qyzdy aýyl syrtyna shyǵaryp, sol jerde zańsyz ustap, zorlaǵan. Oqýshyny izdeý jumystary túni boiy jalǵasqan. Tek tańǵy saǵat 05:00 shamasynda qyz aýyldan tys jerden tabylǵan.
Qazirgi ýaqytta qylmys jasady degen kúdikpen er adam quqyq qorǵaý organdary tarapynan ustaldy. Tergeý júrgizilip jatyr. Jasalǵan qylmystyń aýyrlyǵyn eskere otyryp, kúdikti ómir boiyna bas bostandyǵynan aiyrylýy múmkin.
