سولتٷستٸك كيپردە بولعان وقيعا سالدارىنان زارداپ شەككەن ەيەلدٸڭ قازاقستاندا تۋعانى انىقتالعانىمەن, ول قازاقستاننىڭ ەمەس, قىرعىزستاننىڭ ازاماتى بولىپ شىقتى, دەپ حابارلايدى dalanews.kz.
قازاقستان سىرتقى ٸستەر مينيسترلٸگٸنٸڭ مەلٸمەتٸنشە, وقيعادان كەيٸن جٷرگٸزٸلگەن ناقتىلاۋ جۇمىستارى بارىسىندا زارداپ شەككەن ەيەلدٸڭ قىرعىز رەسپۋبليكاسىنىڭ ازاماتى ەكەنٸ انىقتالعان.
«سولتٷستٸك كيپردەگٸ وقيعا سالدارىنان زارداپ شەككەن تۇلعاعا قاتىستى مەلٸمەتتەر ناقتىلاندى. قازاقستاندا تۋعان ەيەلدٸڭ قىرعىز رەسپۋبليكاسىنىڭ ازاماتى ەكەنٸ انىقتالدى», – دەپ حابارلادى ۆەدومستۆو.
بۇعان دەيٸن سولتٷستٸك كيپردەگٸ سۋپەرماركەتتەردٸڭ بٸرٸندە ەر ادام بەلگٸسٸز سەبەپپەن ەيەلگە پىشاقپەن شابۋىل جاساپ, كەيٸن ٶزٸنە دە جاراقات سالعانى حابارلانعان بولاتىن. زارداپ شەككەن ەكٸ ادام اۋرۋحاناعا جەتكٸزٸلٸپ, وقيعا بويىنشا پوليتسييا تەرگەۋ جٷرگٸزٸپ جاتىر.
العاشقى اقپاراتتاردا زارداپ شەككەن ەيەل قازاقستان ازاماتى رەتٸندە كٶرسەتٸلگەن ەدٸ. كەيٸن بۇل اقپارات سىرتقى ٸستەر مينيسترلٸگٸ تاراپىنان ناقتىلاندى.
