Soltústik Kiprde bolǵan oqiǵa saldarynan zardap shekken áieldiń Qazaqstanda týǵany anyqtalǵanymen, ol Qazaqstannyń emes, Qyrǵyzstannyń azamaty bolyp shyqty, dep habarlaidy dalanews.kz.
Qazaqstan Syrtqy ister ministrliginiń málimetinshe, oqiǵadan keiin júrgizilgen naqtylaý jumystary barysynda zardap shekken áieldiń Qyrǵyz Respýblikasynyń azamaty ekeni anyqtalǵan.
«Soltústik Kiprdegi oqiǵa saldarynan zardap shekken tulǵaǵa qatysty málimetter naqtylandy. Qazaqstanda týǵan áieldiń Qyrǵyz Respýblikasynyń azamaty ekeni anyqtaldy», – dep habarlady vedomstvo.
Buǵan deiin Soltústik Kiprdegi sýpermarketterdiń birinde er adam belgisiz sebeppen áielge pyshaqpen shabýyl jasap, keiin ózine de jaraqat salǵany habarlanǵan bolatyn. Zardap shekken eki adam aýrýhanaǵa jetkizilip, oqiǵa boiynsha politsiia tergeý júrgizip jatyr.
Alǵashqy aqparattarda zardap shekken áiel Qazaqstan azamaty retinde kórsetilgen edi. Keiin bul aqparat Syrtqy ister ministrligi tarapynan naqtylandy.
