قۋاندىق بيشىمبايەۆقا قاتىستى سوت وتىرىسىندا كوزگە تۇسكەن رەسەيلىك جۋرناليست كسەنيا سوبچاكتىڭ سالتانات نۇكەنوۆانىڭ ولىمىنە قاتىستى شىعارىلىمى جارىق كوردى، - دەپ حابارلايدى Dalanews.kz.

سوبچاك قازاقستانداعى سوت وتىرىسىن رەسەيلىك سوت پروسەستەرىمەن سالىستىردى. ول قازاقستانداعى پروسەسس اشىق تۇردە وتكەنىن جانە مۇنداي ءۇردىس رەسەيلىك پروسەستەردە جوعىن ايتادى.

سوبچاك 1،5 ساعاتقا سوزىلعان رەپورتاجىن سوت پروسەسىندە كورسەتىلگەن ۆيدەولاردان باستاعان.

"گالەرەيادا سۋديا سالتانات مەرت بولارىنىڭ الدىندا تۇسىرىلگەن ۆيدەولاردى كوردى. بىزگە ۆيدەونى كورسەتپەگەنىمەن ونداعى داۋىستاردان ءبارى تۇسىنىكتى بولدى"، - دەيدى جۋرناليست.

ودان بولەك، سالتاناتتىڭ قۇربىسى ايدا احمەدينا مەن اعاسى ايتبەك امانگەلدى 2023 جىلى 8 قاراشادا بولعان جايتتار تۋرالى ايتىپ بەرگەن. سول ءتۇنى بيشىمبايەۆ پەن نۇكەنوۆا سالتاناتتىڭ قۇربىسى ايدامەن رەسەيلىك ءانشىنىڭ كونسەرتىنە بارعان بولاتىن.

بيشىمبايەۆپەن 14 جىل بىرگە تۇرعان ايەلى نازىم قاحارمان دا سۇحبات بەرگەن.

"ەكىنشى بالامىز ومىرگە كەلگەن كەزدە ابيۋزەر ەكەنىن بىلدىرە باستادى. سول كەزدە ماسكالار شەشىلە باستادى. ياعني دورەكى ءبىر نارسە ايتىپ جىبەرۋى مۇمكىن، ول ءۇشىن كەشىرىم سۇرامايتىن دا. (...) قۋاندىق ۇيلەنەتىن كەزدە ماعان ايتتى. بۇل جاعدايدا بالالاردى دا دايىنداي باستادىق. ءۇشىنشى نەكەسىندە باقىتتى بولاتىن شىعار دەپ ويلادىم"، - دەيدى نازىم قاحارمان.

ادۆوكات جاننا ورازباحوۆا رەسەيلىك جۋرناليستكە بەرگەن سۇحباتىندا بيشىمبايەۆ نە ءۇشىن القابيلەردى تاڭداعانىن ءتۇسىندىرىپ بەرگەن.

"ويتكەنى بيشىمبايەۆ بۇرىن اسا اۋىر قىلمىس جاساعانى ءۇشىن سوتتالعان بولاتىن. ال ەندى بۇل قىلمىسى دا اسا اۋىر قىلمىس بولىپ سانالادى. ياعني، قازاقستان رەسپۋبليكاسىنىڭ زاڭناماسى بويىنشا اسا اۋىر قىلمىستى قايتالاپ جاساعاندارعا ءومىر بويىنا باس بوستاندىعىنان ايىرۋ قاراستىرىلعان. ياعني، بيشىمبايەۆ سوت ونى ءومىر بويىنا باس بوستاندىعىنان ايىرۋى مۇمكىن ەكەنىن ءتۇسىندى. ال القابيلەر شەشىمىمەن ونىڭ جازاسى ازايۋى مۇمكىن. سەبەبى ءومىر بويىنا سوتتالۋى ءۇشىن 10 ءالقابيدىڭ ءبارى قولداپ داۋىس بەرۋى كەرەك"، - دەيدى ادۆوكات ورازباحوۆا.

سونىمەن قاتار، ورازباحوۆا بيشىمبايەۆ قانشا جىلعا سوتتالۋى مۇمكىن ەكەنىن ايتتى.

"قىلمىستىق قۇقىقتىڭ بەلگىلەنگەن نورمالارىنا سايكەس 15 جىلدان ءومىر بويىنا دەيىن سوتتالۋى مۇمكىن"، - دەيدى ادۆوكات.

ەسكە سالايىق، بۇعان دەيىن رەسەيلىك بلوگەر ناتاليا گرەيس تە قازاقستانعا كەلىپ، بيشىمبايەۆتىڭ اتا-اناسىنان سۇحبات العان بولاتىن. بيشىمبايەۆتىڭ اناسى ءالميرا بيشىمبايەۆا ۇلىن "انا رەتىندە قولىنان كەلگەنشە قورعاپ جۇرگەنىن" ايتىپ، كوزىنە جاس الدى. سونىمەن قاتار، ءۋاليحان بيشىمبايەۆ تا ۇلىنىڭ ىسىنە قاتىستى پىكىر ءبىلدىردى. 

ودان بولەك، ءالميرا بيشىمبايەۆ ۇلى سالتاناتتى ءولتىرۋ ويى بولماعانىن ايتتى.