قازاقستان پرەمەر-مينيسترىنىڭ ءبىرىنشى ورىنباسارى رومان سكلياردىڭ توراعالىعىمەن كوممۋنالدىق كومىرگە باعا بەلگىلەۋ ماسەلەسى قارالدى.
كومىردى تاۋار بيرجاسى ارقىلى وتكىزۋ بويىنشا پيلوتتىق جوبانىڭ ناتيجەسى تالقىلاندى.
"بۇل مەحانيزم ءوزىنىڭ تيىمدىلىگىن كورسەتتى – دەلدالداردىڭ سانى قىسقاردى، بولشەك ساتۋشىلاردىڭ كومىر كەنىشتەرىنىڭ رەسۋرستارىنا تىكەلەي قول جەتكىزۋىنە جاعداي جاسالدى. كومىر قۇنىنا وڭتايلى باعا بەلگىلەۋ ماقساتىندا ۇكىمەت ءونىمسىز دەلدالداردى شەتتەتۋ جۇمىستارىن باستادى"، - دەلىنگەن حابارلامادا.
يندۋستريا جانە ينفراقۇرىلىمدىق دامۋ، ساۋدا جانە ينتەگراسيا مينيسترلىكتەرى مەن باسەكەلەستىكتى قورعاۋ جانە دامىتۋ اگەنتتىگى حالىقتى كومىرمەن قامتاماسىز ەتۋ تىزبەگىندەگى قاجەتسىز بايلانىستاردى جويۋ جانە تاۋار بيرجاسى ارقىلى ساتىلاتىن كومىر كولەمىن كەزەڭ-كەزەڭىمەن ۇلعايتۋ شارالارىن ازىرلەۋدە.
بۇل جۇمىس ۇكىمەتتىڭ ەرەكشە باقىلاۋىندا بولادى.
