قۇرىلتاي تٶراعاسىنىڭ ورىنباسارى دانييا ەسپاەۆا كٶلٸك ۆيتسە-مينيسترٸ دامير قوجاحمەتوۆكە دەپۋتاتتاردىڭ سۇراقتارىنا وتىرىس بارىسىندا ناقتى جاۋاپ بەرۋگە شاقىرىپ, ەسكەرتۋ جاسادى. وقيعا "2027-2029 جىلدارعا ارنالعان رەسپۋبليكالىق بيۋدجەت تۋرالى" زاڭ جوباسىنىڭ تانىستىرىلىمى كەزٸندە بولعان, دەپ حابارلايدى dalanews.kz.
ەسپاەۆانىڭ ەسكەرتۋ جاساۋىنا دەپۋتات ساۋالىنا بەرٸلگەن جاۋاپ سەبەپ بولدى. دامير قوجاحمەتوۆ قاجەتتٸ اقپاراتتى كەيٸن جازباشا تٷردە ۇسىناتىنىن ايتقان. الايدا ۆيتسە-سپيكەر ٷش جىلدىق بيۋدجەت تالقىلانىپ جاتقاندا مەملەكەتتٸك ورگاندار ٶزدەرٸنە قاتىستى نەگٸزگٸ كٶرسەتكٸشتەر مەن شىعىستاردى الدىن الا بٸلۋگە تيٸس ەكەنٸن اتاپ ٶتتٸ.
"بٷگٸن بٸز ٷش جىلدىق بيۋدجەتتٸ قاراپ جاتقان وتىرىستا جازباشا جاۋاپ بەرەمٸن دەۋٸڭٸز دۇرىس ەمەس", - دەدٸ ول.
ەسپاەۆانىڭ سٶزٸنشە, قويىلعان ساۋال كٶلٸك مينيسترلٸگٸنٸڭ شىعىستارىنا قاتىستى بولعان جەنە وعان سول جەردە جاۋاپ بەرۋگە مٷمكٸندٸك بولعان.
"سۇراق ٶتە قاراپايىم بولاتىن. تىم قاراپايىم. بۇل سٸزدەردٸڭ شىعىستارىڭىزعا قاتىستى ەدٸ. ونى بەرٸنەن دە جاقسى بٸلۋلەرٸڭٸز كەرەك", - دەپ مەلٸمدەدٸ ول.
بۇدان كەيٸن دانييا ەسپاەۆا وتىرىسقا قاتىسىپ وتىرعان باسقا ۆيتسە-مينيسترلەرگە دە ٷندەۋ جاساپ, دەپۋتاتتاردىڭ ساۋالدارىنا تولىق ەرٸ ناقتى جاۋاپ بەرۋگە شاقىردى. ول جازباشا جاۋاپ بەرۋمەن شەكتەلمەۋ كەرەگٸن ەسكەرتتٸ.
"جازباشا جاۋاپ قابىلدانبايدى. وتىرىس بولاتىنىن, تانىستىرىلىم جاسالاتىنىن الدىن الا ەسكەرتتٸك. ەركٸم دايىن بولۋى كەرەك", - دەپ اتاپ ٶتتٸ ۆيتسە-سپيكەر.
ەسپاەۆا مەملەكەتتٸك ورگان ٶكٸلدەرٸنە وتىرىستىڭ فورماتى مەن ٷش جىلدىق بيۋدجەت جوباسىنىڭ تانىستىرىلىمى جٶنٸندە الدىن الا حابارلانعانىن دا ەسكە سالدى.
