باتىس قازاقستان وبلىسى, سىرىم اۋدانى, شاعىرلوي اۋىلىندا جاڭا فەلدشەرلٸك-اكۋشەرلٸك پۋنكت قولدانىسقا بەرٸلدٸ,- دەپ حابارلايدى Dalanews.kz
سالتاناتتى شاراعا باتىس قازاقستان وبلىسىنىڭ ەكٸمٸ ناريمان تٶرەعاليەۆ قاتىسىپ, اۋىل تۇرعىندارىن مەديتسينالىق نىساننىڭ اشىلۋىمەن قۇتتىقتادى.
"پرەزيدەنتٸمٸز ق.ك.توقاەۆ قازاقستان حالقىنا ارناعان جولداۋىندا «ەلٸمٸزدٸڭ باستى قۇندىلىعى – ادام. ۇلت دەنساۋلىعى جاقسى بولسا عانا, قوعام ورنىقتى داميدى» دەپ اتاپ ٶتكەن بولاتىن. بٷگٸن سىرىم اۋدانىنىڭ شاعىرلوي اۋىلىنداعى جاڭا فەلدشەرلٸك-اكۋشەرلٸك پۋنكتتٸڭ اشىلۋى – بارشامىز ٷشٸن قۋانىشتى وقيعا. ەندٸ اۋىل تۇرعىندارى ساپالى ەرٸ ۋاقىتىلى مەديتسينالىق كٶمەككە قول جەتكٸزە الادى. بۇل نىسان انالار مەن بالالاردىڭ, جالپى اۋىل تۇرعىندارىنىڭ ساۋلىعىن نىعايتۋعا ٶز ٷلەسٸن قوسادى دەپ سەنەمٸن",-دەدٸ وبلىس ەكٸمٸ ناريمان تٶرەعاليەۆ.
جالپى 2023-2025 جىلدارى وبلىستا 50 جاڭا مەديتسينالىق نىسان سالۋ كٶزدەلگەن بولسا, سونىڭ 45-شٸ شاعىرلوي اۋىلىندا ٸسكە قوسىلدى.
شاعىرلوي اۋىلىنداعى جالپى اۋماعى 260 شارشى مەتردەن اساتىن جاڭا نىسان زاماناۋي مەديتسينالىق قۇرال-جابدىقتارمەن جابدىقتالعان. مۇندا كٷنٸنە 40 ادام قابىلدانا الادى.
اۋىل تۇرعىندارى دا جاڭا نىساننىڭ اشىلۋىن قۋانىشپەن قارسى الدى.
"بۇرىن اۋىلدان قاتىناپ, الىسقا بارۋعا تۋرا كەلەتٸن. ەندٸ دەرٸگەرگە جٷگٸنۋ جەڭٸلدەدٸ. جاڭا عيمارات جارىق, كەڭ, بارلىق جاعداي جاسالعان. وسىنداي قامقورلىق ٷشٸن مەملەكەت باسشىسىنا العىسىمىز شەكسٸز", – دەيدٸ اۋىل ارداگەرٸ ساعيدوقاس باقتىعاليەۆ.
جوبا اۋىلدىق ايماقتاردا مەديتسينالىق ينفراقۇرىلىمدى دامىتۋعا باعىتتالعان جٷيەلٸ جۇمىستىڭ نەتيجەسٸ. مۇنداي نىساندار شالعاي اۋىل تۇرعىندارىنىڭ ٶمٸر ساپاسىن ارتتىرۋعا جەنە دەنساۋلىق ساقتاۋ قولجەتٸمدٸلٸگٸن قامتاماسىز ەتۋگە سەپ بولادى.
