قازاقستاننىڭ سىرتقى ٸستەر مينيسترلٸگٸ ەۋرووداقپەن جٷرگٸزٸلٸپ جاتقان كەلٸسسٶزدەرگە قاتىستى تٷسٸنٸكتەمە بەرٸپ, ولاردىڭ تەك ۆيزالىق تالاپتاردى جەڭٸلدەتۋ مەن رەادميسسييا مەسەلەلەرٸنە قاتىستى ەكەنٸن مەلٸمدەدٸ, دەپ حابارلايدى dalanews.kz.
ۆەدومستۆونىڭ رەسمي ٶكٸلٸ ەرلان جەتٸباەۆتىڭ ايتۋىنشا, كەلٸسسٶزدەر قازاقستان ازاماتتارىنا ارنالعان ۆيزالىق رەجيمدٸ جەڭٸلدەتۋ جەنە رەادميسسييا تۋرالى كەلٸسٸمدەردٸ تالقىلاۋ اياسىندا عانا جٷرگٸزٸلٸپ جاتىر.
ول قازاقستان اۋماعىندا بوسقىنداردى ۇستاۋ ورتالىقتارىن قۇرۋ مەسەلەسٸ بويىنشا ەشقانداي كەلٸسسٶز جٷرٸپ جاتپاعانىن ەرەكشە اتاپ ٶتتٸ.
«رەادميسسييا تۋرالى كەلٸسٸم قازاقستان ازاماتتارى ەلدەن زاڭسىز كەتكەن جاعدايدا ولاردى قايتا قابىلداۋ مٸندەتتەمەسٸن عانا بٸلدٸرەدٸ», – دەپ تٷسٸندٸردٸ جەتٸباەۆ.
سىرتقى ٸستەر مينيسترلٸگٸنٸڭ مەلٸمەتٸنشە, كەلٸسسٶزدەر بىلتىرعى 2 جەلتوقساندا بريۋسسەلدە باستالعان. ولار ەكٸ نەگٸزگٸ باعىت بويىنشا جٷرگٸزٸلٸپ جاتىر: ۆيزالىق رەجيمدٸ جەڭٸلدەتۋ جەنە رەادميسسييا.
بۇعان دەيٸن مينيسترلٸك كەلٸسسٶزدەردٸ 2026 جىلدىڭ ەكٸنشٸ جارتىسىندا اياقتاۋ جوسپارلانىپ وتىرعانىن حابارلاعان ەدٸ.
