وسى كەزەڭدە ءوڭىرىمىزدىڭ 600-گە جۋىق ۇيىمى قاتاڭ كارانتيندىك شەكتەۋلەر جاعدايىندا جەڭىلدىك الدى.
قازاقستان رەسپۋبليكاسى باس مەملەكەتتىك سانيتارلىق دارىگەرىنىڭ 2021 جىلعى 3 ماۋسىمداعى № 26 قاۋلىسىنا سايكەس، جوباعا قاتىسۋشىلارعا «Ashyq» كوشباسشىلارى» مارتەبەسى بەرىلەدى جانە 2 اپتاعا بەكىتىلەدى.
بۇگىنگى تاڭدا وبلىس بويىنشا QR-كودتارى («check-in») بويىنشا ەڭ كوپ كىرەتىن 30 ۇيىم بولىنگەن. وسكەمەن قالاسىندا - 15 قوعامدىق تاماقتاندىرۋ كاسىپورنى، 1 كينوتەاتر («MaxOn Cinema» كينوتەاترى) جانە 1 بيليارد كلۋبى («يمپەريا» بيليارد كلۋبى»)؛ سەمەي قالاسىندا - 9 تاماقتانۋ ۇيىمى، 2 فيتنەس-زال، «اباي اتىنداعى تەاتر» جانە «Qazyna Cinema» كينوتەاترى بار.
وسكەمەن جانە سەمەي قالالارى ءقازىر «سارى» ايماقتا ورنالاسقاندىقتان، كوشباسشى كاسىپورىندار «جاسىل» ايماقتىڭ تالاپتارى بويىنشا جۇمىس ىستەي الادى.
ءوڭىر ءقازىر «جاسىل» ايماقتا ورنالاسقاندىقتان، كوشباسشى كاسىپورىندار جۇمىس رەجيمىن 2 ساعاتقا ۇزارتىپ، نىساننىڭ تولىمدىلىعىن 10%-عا ۇلعايتا الادى.
شىعىس قازاقستان وبلىسىنىڭ كاسىپكەرلەر پالاتاسى جوباعا قاتىسۋعا نيەت بىلدىرۋشىلەردىڭ ءتىزىمىن جاساقتاۋدى جالعاستىرۋدا. Ashyq قوسىمشاسىنا قاتىستى بارلىق سۇراقتار بويىنشا بيزنەس سۋبەكتىلەرى 8 (7232) 74-28-14، 74-21-11 تەلەفوندارى ارقىلى حابارلاسا الادى.
«قىزىل» مارتەبە قوزعالىستى شەكتەۋدى، امبۋلاتوريالىق باقىلاۋداعى ادامدار ءۇشىن ءۇي وقشاۋلاۋىنىڭ قاتاڭ رەجيمىن ساقتاۋدى بىلدىرەدى.
«سارى» - قوزعالىستى ءىشىنارا شەكتەۋ، ياعني پايدالانۋشى پتر دەرەكقورىندا بايلانىس رەتىندە بەلگىلەنگەن، پاسيەنت ۇيدە وقشاۋلاۋ رەجيمىن ساقتايتىن ورىننان 500 مەتردەن اسپايتىن جەردە ازىق-تۇلىك جانە شارۋاشىلىق دۇكەندەرىنە، ءدارىحانالارعا بارۋعا رۇقسات ەتىلگەن.
«كوك» - وسى مارتەبە ءۇشىن پتر مىندەتتى بولىپ تابىلاتىن ورىنداردان باسقا (مىسالى، اۋەجايدا) قوزعالۋعا شەكتەۋ جوق.
«جاسىل» مارتەبە قوزعالىستا ەشقانداي شەكتەۋ جوق ەكەنىن جانە وسى پايدالانۋشى دەرەكتەر بازاسىندا تەرىس ناتيجەمەن پتر-تەستىلەۋدەن وتكەن دەپ بەلگىلەنگەنىن بىلدىرەدى.
