شىعىس قازاقستان وبلىسىنداعى ۇلكەن نارىن اۋدانىندا جاڭا سەح اشۋ جوسپارلانىپ وتىر، دەپ حابارلايدى Dalanews.kz
ۇلكەن نارىن اۋدانىنىڭ جەكە كاسىپكەرى دوسان قاسەنوۆ «اۋىل اماناتى» مەملەكەتتىك باعدارلاماسى ارقىلى ءوز كاسىبىن اشىپ، ەت ونىمدەرىنىڭ كونسەرۆىلەرىن ءوندىرۋ ءۇشىن قاجەتتى جابدىقتاردى ساتىپ الدى.
كاسىپكەردىڭ ايتۋىنشا، ول كۇنىنە 180 كگ ەتتەن 600 دانا كونسەرۆى ءونىمىن شىعارۋعا مۇمكىندىك الادى. دوسان قاسەنوۆتىڭ باستاماسى جەرگىلىكتى ەكونوميكانى دامىتۋعا جانە اۋىل تۇرعىندارىن تۇراقتى جۇمىسپەن قامتۋعا مۇمكىندىك بەرەدى.
جاڭا ءوندىرىس جوباسى، اسىرەسە ەت ونىمدەرىن وڭدەۋگە باعىتتالعاندىقتان، اۋىل شارۋاشىلىعى سالاسىنىڭ دامۋىنا دا ۇلكەن ۇلەس قوساتىنى ءسوزسىز. سونىمەن قاتار، بۇل كاسىپورىن اۋىلدىق جەرلەردە كاسىپكەرلىكتىڭ دامۋىنا، جاڭا ءونىم تۇرلەرىن شىعارۋعا ىقپال ەتەدى.
ۇلكەن نارىن اۋدانىندا ىسكە اسىرىلعالى وتىرعان بۇل جوبانىڭ ناتيجەلەرى جەرگىلىكتى قوعامنىڭ ءال-اۋقاتىن جاقسارتۋعا، اۋداننىڭ الەۋمەتتىك-ەكونوميكالىق جاعدايىن نىعايتۋعا باعىتتالعان.
