2015 جىلدان باستاپ سۋمەن جابدىقتاۋ وبەكتىلەرىن سالۋ مەن رەكونسترۋكسيالاۋدى قارجىلاندىرۋ كولەمى 8 ەسەگە، حالىقتىڭ ورتالىقتاندىرىلعان سۋمەن قامتاماسىز ەتىلۋى 85-تەن 96،5%-عا دەيىن ۇلعايعانىن جانە بۇل كورسەتكىش ەل بويىنشا جالپى كورسەتكىشتەن جوعارى ەكەنىن اتاپ ءوتۋىمىز كەرەك.
قالا مەن اۋىل اراسىنداعى جاعدايدى تەڭەستىرۋ ءۇشىن 2015 جىلدان باستاپ 288 مىڭ تۇرعىندى قامتيتىن 294 اۋىلدا سۋ قۇبىرى سالىنعان.
2025 جىلعا دەيىن 84 اۋىلدىق ەلدى مەكەندە سۋ قۇبىرىن سالۋ، 30 اۋىلدا قايتا جاڭارتۋ جوسپارلانۋدا. بۇل ماقساتقا 75 ملرد تەڭگە قاجەت بولادى.
2025 جىلعا قاراي بارلىق ەلدى مەكەندەردى سۋمەن قامتۋ ماقساتى تۇر. اعىمداعى جىلى 48 نىساندى ىسكە قوسۋمەن 55،2 ملرد تەڭگەگە 63 جوبانى ىسكە اسىرۋ جوسپارلانعان.
شاعىن اۋىلداردا سۋدى تازارتۋ مەن تاراتۋدىڭ بلوكتى-مودۋلدى ستانسيالارىن ورناتىلدى. وتكەن جىلى 51 ستانسيا، اعىمداعى جىلى 52 (484،5 ملن.تەڭگە) جانە كەلەسى 2 جىل ىشىندە وسىنداي تاعى 70 ستانسيا ورناتىلاتىن بولادى. ناتيجەسىندە اۋىل حالقىن ورتالىقتاندىرىلعان سۋمەن قامتۋ جىل سوڭىنا دەيىن 83،2%-دان 92،2%-عا دەيىن ارتادى. ال جالپى وبلىس بويىنشا حالىقتىڭ تازا سۋمەن قامتاماسىز ەتىلۋى 96،5%-دى قۇرايدى.
