بۇگىنگى تاڭدا وتباسىلىق-تۇرمىستىق قاتىناستار اياسىنداعى قۇقىق بۇزۋشىلىقتىڭ الدىن-الۋ ماڭىزدى ماسەلەلە بولىپ تابىلادى.  تاياۋدا شىعىس قازاقستان وبلىسى اۋماعىندا «تۇرمىس» رەسپۋبليكالىق جەدەل-پروفيلاكتيكالىق ءىس-شاراسى ۇيىمداستىرىلدى. ويتكەنى زورلىق-زومبىلىقتىڭ ءوزى جابىرلەنۋشىنىڭ قۇقىعىن بۇزىپ قانا قويمايدى، ءوسىپ كەلە جاتقان جاستارعا جاعىمسىز ۇلگى بولىپ تابىلادى.

– وتكىزىلىپ جاتقان جەدەل-پروفيلاكتيكالىق ءىس-شارانىڭ 3 كۇنىنىڭ قورتىندىسى بويىنشا  وتباسىلىق-تۇرمىستىق قاتىناستار اياسىنداعى 198 قۇقىق بۇزۋشىلىق انىقتالدى، بارلىق فاكتىلەر بويىنشا قۇقىقبۇزۋشىلار جاۋاپكەرشىلىككە تارتىلدى. «قورعاۋ نۇسقاماسىن» شىعارۋ «قۇقىقبۇزۋشىنىڭ مىنەزىنە ەرەكشە تالاپ قويۋ» تۇرمىستىق زورلىق-زومبىلىق  پروفيلاكتيكاسىنىڭ قاجەتتى شارالارى بولىپ تابىلادى. بۇل مەرزىمدە قۇقىق بۇزۋشىعا وتباسىلىق-تۇرمىستىق قاتىناستار اياسىنداعى قۇقىق بۇزۋشىلىق  جاساۋعا تىيىم سالىنادى. اتالعان تالاپتى بۇزعانى ءۇشىن قۇقىقبۇزۋشىنى اكىمشىلىك جاۋاپكەرشىلىككە تارتۋ قاراستىرىلعان، – دەپ شقو پد جەرگىلىكتى پوليسيا قىزمەتى باسقارماسى باستىعىنىڭ ورىنباسارى ءا.وتەپوۆ اتاپ كورسەتتى.

قاجەت بولعان جاعدايدا جابىرلەنۋشىگە ۋاقىتشا پانالاۋ ءۇشىن وڭالتۋ ورتالىعىنا جولداما بەرىلەدى.

پوليسيا دەپارتامەنتى وتباسىلىق-تۇرمىستىق قاتىناستار اياسىنداعى قۇقىق بۇزۋشىلىق ماسەلەسى بويىنشا 4 وڭالتۋ ورتالىعىمەن  تىعىز ءوزارا قارىم-قاتىناس ورناتقان. وڭالتۋ ورىنىنا جەتكىزىلگەن جابىرلەنۋشىلەرگە پسيحولوگيالىق، الەۋمەتتىك كومەك كورسەتىلەدى.