ق ر پرەزيدەنتى جانىنداعى ورتالىق كوممۋنيكاسيالار قىزمەتىنىڭ باسپا ءسوز ءماسليحاتىندا شىعىس قازاقستان وبلىسىنىڭ اكىمى ەرمەك كوشەربايەۆ وڭىردەگى 356 اۋىلدىڭ 334ء-ى تازا سۋعا قول جەتكىزىپ وتىرعانىن ايتتى.
- اۋىزسۋمەن قامتاماسىز ەتىلمەگەن 22 اۋىل قالادى. ونىڭ 9-ى بيىل سۋعا قول جەتكىزسە، قالعان 13 اۋىلدىڭ ماسەلەسى ەكى جىل ىشىندە شەشىلەدى. وسىلايشا، 2025 جىلعا قاراي وبلىستىڭ بارلىق اۋىلدارى سۋمەن قامتاماسىز ەتىلەدى، - دەدى شقو اكىمى ەرمەك كوشەربايەۆ.
سونىمەن قاتار ءوڭىردىڭ جىلۋمەن جابدىقتاۋ جۇيەسى 3 ءىرى جەو جانە 32 شاعىن قازاندىقتان تۇرادى. وتكەن جىلىتۋ ماۋسىمى ريددەر جەو-داعى اپاتتان باستالدى، اپات سالدارىنان قالانىڭ 50 مىڭ حالقى جىلۋسىز قالدى.
- ۇكىمەتتىڭ قولداۋىمەن وتە قىسقا مەرزىمدە ءبىز 6 قازاندىق اگرەگاتىنا جوندەۋ جۇرگىزىپ، جىلۋ بەرۋ ماۋسىمىن ۋاقتىلى باستادىق، - دەپ اتاپ ءوتتى شقو اكىمى.
جوندەۋ-قالپىنا كەلتىرۋ جۇمىستارىنا 16 مەردىگەر ۇيىم جۇمىلدىرىلدى، 500-دەن استام ادام تارتىلدى، ولار 2 اۋىسىمدا تۇراقتى جۇمىس ىستەدى.
ەستەرىڭىزگە سالا كەتەيىك، 12 قازاندا ريددەر جەو قالالىق كوممۋنالدىق مەنشىككە قابىلداندى.
