QR Prezıdenti janyndaǵy Ortalyq komýnıkasıalar qyzmetiniń baspasóz máslıhatynda Shyǵys Qazaqstan oblysynyń ákimi Ermek Kósherbaev óńirdegi 356 aýyldyń 334-i taza sýǵa qol jetkizip otyrǵanyn aıtty.
- Aýyzsýmen qamtamasyz etilmegen 22 aýyl qalady. Onyń 9-y bıyl sýǵa qol jetkizse, qalǵan 13 aýyldyń máselesi eki jyl ishinde sheshiledi. Osylaısha, 2025 jylǵa qaraı oblystyń barlyq aýyldary sýmen qamtamasyz etiledi, - dedi SHQO ákimi Ermek Kósherbaev.
Sonymen qatar óńirdiń jylýmen jabdyqtaý júıesi 3 iri JEO jáne 32 shaǵyn qazandyqtan turady. Ótken jylytý maýsymy Rıdder JEO-daǵy apattan bastaldy, apat saldarynan qalanyń 50 myń halqy jylýsyz qaldy.
- Úkimettiń qoldaýymen óte qysqa merzimde biz 6 qazandyq agregatyna jóndeý júrgizip, jylý berý maýsymyn ýaqtyly bastadyq, - dep atap ótti SHQO ákimi.
Jóndeý-qalpyna keltirý jumystaryna 16 merdiger uıym jumyldyryldy, 500-den astam adam tartyldy, olar 2 aýysymda turaqty jumys istedi.
Esterińizge sala keteıik, 12 qazanda Rıdder JEO qalalyq komýnaldyq menshikke qabyldandy.
