2016 جىلدىڭ 6 ايىندا 446 قىلمىستىق ءىس مەدياتورلاردىڭ قاتىسۋىمەن قارالسا، بيىلعى جىلى كورسەتكىش ەكى ەسەگە دەيىن ءوستى. بۇل جايلى شىعىس قازاقستان ايماقتىق كوممۋنيكاسيالار قىزمەتىندە وتكەن باسپا ءسوز ءماسليحاتى بارىسىندا شقو سوتىنىڭ قىلمىستىق ىستەر جونىندەگى سوت القاسىنىڭ ءتوراعاسى قايرات چاكپانتايەۆ مالىمدەدى.
– اسىرەسە بورودۋليحا، زىريان، جارما، كاتونقاراعاي، تارباعاتاي اۋداندارىنىڭ جانە ريددەر قالالىق سوتىنىڭ كورسەتكىشتەرى بويىنشا مەدياسيا ارقىلى ىستەر ءجيى قارالادى. تەك كوكپەكتى اۋداندىق №2 سوتى وبلىس بويىنشا تومەن كورسەتكىشتە، – دەدى قايرات چاكپانتايەۆ.
سونداي-اق، القا ءتوراعاسى اسا اۋىر قىلمىستىق ىستەردى شەشۋدە مەدياتورلاردىڭ ارالاسۋى جايلى ايتا وتىرىپ، تەرروريزم، ەكسترەميزم جانە كىسى ولمىنە اكەلگەن قىلمىستىق ىستە مەدياتورلار ارالاسپايتىندىعىن مالىمدەدى.
