قما-نىڭ شىعىس قازاقستان وبلىسى بويىنشا دەپارتامەنتٸ “ازاماتتارعا ارنالعان ٷكٸمەت” كەاق ٶسكەمەن قالاسىنداعى مامانداندىرىلعان بٶلٸمٸنٸڭ بۇرىنعى باسشىسىنا قاتىستى تەرگەۋدٸ اياقتادى, دەپ حابارلايدى Dalanews.kz.
تەرگەۋ نەتيجەسٸندە 2023 جىلدىڭ اقپان-قازان ايلارى ارالىعىندا كٷدٸكتٸنٸڭ جٷرگٸزۋشٸ كۋەلٸگٸن الۋ ٷشٸن جول قوزعالىسى ەرەجەلەرٸنەن تەورييالىق ەمتيحان تاپسىراتىن ازاماتتاردان زاڭسىز سىياقى جيناۋ سحەماسىن ۇيىمداستىرعانى انىقتالدى.
اگەنتتٸكتٸڭ Follow the money قاعيداتى بويىنشا جٷرگٸزٸلگەن “پاراللەلدٸ قارجىلىق تەرگەۋ” جوباسى 32 ملن تەڭگەدەن استام زاڭسىز تابىستى ەشكەرەلەدٸ. تەرگەۋ بارىسىندا كٷدٸكتٸنٸڭ بانكتەگٸ جەكە شوتىنا موبيلدٸ قوسىمشا ارقىلى سىياقى اۋدارىلعانى بەلگٸلٸ بولدى. زاڭسىز كٸرٸستەردٸ جاسىرۋ ٷشٸن ول ٶز شوتتارى اراسىندا بٸرنەشە رەت اۋدارىمدار جاساعان.
سونىمەن قاتار, كٷدٸكتٸ قىلمىستىق جولمەن الىنعان اقشاعا ٶسكەمەن قالاسىندا ەكٸ بٶلمەلٸ پەتەر ساتىپ الىپ, ونى اناسىنىڭ اتىنا رەسٸمدەگەنٸ انىقتالدى. كەيٸن پەتەردٸ تەۋلٸكتٸك جالعا بەرۋ ارقىلى قوسىمشا 1,2 ملن تەڭگەدەن استام تابىس تاپقان.
سوتقا دەيٸنگٸ تەرگەۋ باستالعاننان كەيٸن كٷدٸكتٸ بۇل پەتەردٸ ٷشٸنشٸ تۇلعالاردىڭ اتىنا اۋدارىپ, تەركٸلەۋدەن جالتارماق بولعان.
سوت شەشٸمٸ بويىنشا كٷدٸكتٸ كٸنەلٸ دەپ تانىلىپ, ٶسكەمەندەگٸ ەكٸ بٶلمەلٸ پەتەرٸ (19,5 ملن تەڭگە كٶلەمٸندە) مەملەكەتكە تەركٸلەندٸ. سونداي-اق وعان 3 جىل باس بوستاندىعىن شەكتەۋ جازاسى تاعايىندالدى.
