جۋىردا وتكەن جاستار ءىسى جونىندەگى وتىرىس بارىسىندا شقو اكىمىنىڭ ورىنباسارى جاقسىلىق ومار جاستار اراسىندا سپورت كەشەندەرىنە قولجەتىمدىلىكتى ارتتىرۋدى تاپسىرعان ەدى. وسى ورايدا وبلىستىق دەنە شىنىقتىرۋ جانە سپورت باسقارماسى ايماقتىق جاستار ورتالىعىمەن جانە «نۇر وتان» پارتياسىنىڭ «جاس وتان» جق شقوف-مەن مەموراندۋمعا قول قويىپ، جاڭا جوبانى ىسكە اسىرۋدا.
– سپورت مەكتەپتەرىندە وقىپ جۇرگەن سپورتشى اقىلى نىساندارعا تەگىن كىرگىزىلەدى. ال ەگەر ول «جاستار ورتالىعىنىڭ» نەمەسە «جاس وتان» پارتياسىنىڭ مۇشەسى بولعان جاعدايدا، 50 پايىز جەڭىلدىك جاسالادى. تەك كەلۋشىنىڭ جاسى 14-29 ارالىعىندا بولۋى قاجەت. قازىرگى كۇندە اقىلى سپورت نىساندارىنىڭ قاتارىنا ورتالىق باسسەين، دەنە-شىنىقتىرۋ جانە ساۋىقتىرۋ ورتالىقتارى، ولگا رىپاكوۆا اتىنداعى جەڭىل اتلەتيكا مانەجى، ب.الەكساندروۆ اتىنداعى سپورت سارايى مەن حوككەي مودۋلدەرى كىرىپ وتىر، – دەدى شقو دەنە شىنىقتىرۋ جانە سپورت باسقارماسىنىڭ باسشىسى ەلدوس چيكەنوۆ.
«دمق» اقپارات
