ٶسكەمەندە «Altay athletics» كەسٸبي جەڭٸل اتلەتيكا سپورت كلۋبى اشىلدى. ەلٸمٸزدە العاش رەت اشىلىپ وتىرعان كلۋبتىڭ قۇرامىنا وليمپيادا چەمپيونى ولگا رىپاكوۆا دا مٷشە بولىپ كٸردٸ.
ايتا كەتسەك, اعىمداعى جىلى شىعىس قازاقستان وبلىسىنىڭ ەكٸمٸ دانيال احمەتوۆتىڭ تاپسىرماسىمەن ايماقتا قازاقستانداعى العاشقى «Altay athletics» كەسٸبي جەڭٸل اتلەتيكا سپورت كلۋبى قۇرىلعان. كلۋبتىڭ اشىلۋ سالتاناتىندا وبلىس باسشىسى وليمپيادا چەمپيونى ولگا رىپاكوۆاعا «2016 جىلدىڭ ٷزدٸك سپورتشىسى» اتتى جەڭٸل اتلەتيكادان ازييا فەدەراتسيياسىنىڭ كۋبوگٸن تابىستادى.
–ايماعىمىزداعى سپورتتىڭ جاڭا سەرپٸن العانىنا ٶتە قۋانىشتىمىز. مۇنى بٸزدٸڭ بەلدٸ سپورتشىمىز ولگا رىپاكوۆانىڭ باستاعانى قۋانتارلىق جاعداي. بارلىق بالالاردىڭ سپورتتىڭ جاي عانا قىزىعۋشىلىق ەمەس, ەلٸنٸڭ لايىقتى, كەسٸبي ازاماتى بولۋىنا ٷلكەن مٷمكٸندٸك ەكەنٸن تٷسٸنسە دەيمٸن. الداعى جىلداردا «التاي» برەندىن كٷللٸ ەلەم تانىسا دەگەن ويدامىز, – دەدٸ دانيال احمەتوۆ.
ٶز كەزەگٸندە, ولگا رىپاكوۆا ٶڭٸرٸمٸزدەگٸ اتالمىش سپورت تٷرٸنە قولداۋ تانىتقانى ٷشٸن وبلىس ەكٸمٸنە العىسىن بٸلدٸردٸ.
ايتا كەتەيٸك, كلۋب قۇرىلعاننان بەرٸ, «گاۋحار ليگاسىندا» ولگا رىپاكوۆا التىن مەدال, كارولين كيپكيرۋي كٷمٸس جٷلدە جەنە نورا دجەرۋتا قولا مەدال يەلەنٸپ ٷلگەرگەن.
اتالمىش كلۋب ەۋروپالىق سپورت كلۋبتارىنىڭ ٸشٸندەگٸ الدىڭعى قاتارلى, 94 جىلدىق تاريحى بار «LC Zurich» كلۋبىمەن جۇمىس جاسايتىن بولادى. قازٸردٸڭ ٶزٸندە «Altay athletics» پەن «LC Zurich» مەموراندۋمعا قول قويىپ, بٸرلەسە جۇمىس ٸستەمەك. ايتا كەتەيٸك, كلۋب مٷشەلەرٸنٸڭ قۇرامىنا وليمپيادا چەمپيونى ولگا رىپاكوۆا, سونىمەن قاتار ۆارۆارا نازاروۆا جەنە ارتۋر گافنەر سىندى شىعىسقازاقستاندىق جاس سپورتشىلار ەندٸ. سونداي-اق, قر جەڭٸل اتلەتيكانىڭ دامۋىنا سەرپٸن بەرۋ ٷشٸن, جوبانىڭ العاشقى باستاماسىندا كەنييالىق سپورتشىلار كلۋبقا مٷشە بولىپ كٸردٸ. كلۋبتىڭ باس مەنەدجەرى 30 جىلعا جۋىق ۋاقىت حالىقارالىق ٸرٸ سپورت ۇيىمدارىندا جۇمىس اتقارعان گۆيدو تونوني بولىپ تابىلادى.
