دارىگەرلەردىڭ كومەگىنىڭ ارقاسىندا دەرتىنەن ايىققان پاسيەنتتەردى بىردەن ۇيلەرىنە جىبەرمەي پروۆيزورلىق ەمحانالاردا ەم الىپ، دارىگەرلەردىڭ باقىلاۋىندا. وسى رەتتە جەرگىلىكتى كاسىپكەرلەر كوروناۆيرۋستى جەڭگەن ناۋقاستاردىڭ الاڭسىز ەم الۋىنا جايلى جاعداي جاساۋعا ءوز ۇلەستەرىن قوسۋدا.
ايتالىق، التاي قالاسىنداعى تۇرمىستىق تەحنيكالاردى ساۋدالاۋ ىسىمەن اينالىساتىن «كومفورت» (قوجايىنى ۆ.دەريگلازوۆ)، «بىلينا» (قوجايىنى ە.ششەگلوۆ)، «ەلەكترومير» (قوجايىنى ا.فومينىح)، «دوبروستروي» (قوجايىنى يۋ.توكاريەۆ) دۇكەندەرىنىڭ يەلەرى التاي قالاسى مەن گرەحوۆو اۋىلىندا ورنالاسقان پروۆيزورلىق ەمحاناعا اۆتوماتتى رەجيمدە كىر جۋاتىن ماشينا، تەرموساماۋرىن، جەلدەتكىش، ەلەكترگى قاجەتتى جابىدىقتاردى جەتكىزىپ بەردى.
كاسىپكەرلەر ەل باسىنا كۇن تۋعاندا قايىرىمدىلىق ءىس-شارالارىنان شەت قالماي، ءوز ۇلەستەرىن قوسۋى قوعامدى بۇرىنعىدان بەتەر بىرىكتىرە تۇسەتىنىن العا تارتتى. ءوز كەزەگىندە پاسيەنتتەر كاسىپكەرلەردىڭ ازاماتتىق تانىتىپ، قامقورلىق كورسەتكەنىنە ءدان ريزا ەكەندەرىن جەتكىزدى.
