شىعىس قازاسقتان وبلىسى اكىمى دانيال احمەتوۆ كەڭەيتىلگەن اپپارات جيىنىندا ءوزىنىڭ جاڭا ورىنباسارىن تانىستىردى. وبلىس اكىمىنىڭ وكىمىنە ساي بۇل لاۋازىمعا بۇعان دەيىن ەكونوميكا جانە بيۋدجەتتىك جوسپارلاۋ باسقارماسىنىڭ باسشىسى بولعان الماسحان باۋىرجان ۇلى سماتلايەۆ تاعايىندالدى.

الماسحان سماتلايەۆتىڭ ءتورت جوعارى ءبىلىمى بار. 2011 جىلى ماسكەۋ قالاسىندا رەسەي فەدەراسياسى ۇكىمەتى جانىنداعى قارجى ۋنيۆەرسيتەتىن «ەكونوميكا» ماماندىعى بويىنشا ءتامامدادى. سونىمەن قاتار اقش-تىڭ پەلسينۆانيا شتاتىنداعى بلۋمگەر ۋنيۆەرسيتەتىندە «حالىقارالىق ەكونوميكا» باكالاۆرىن الدى. 2012 جىلى رف ۇكىمەتى جانىنداعى قارجى ۋنيۆەرسيتەتىندە «قارجى جانە نەسيە» ماماندىعىن مەڭگەردى. 2015 جىلى اتالعان ءبىلىم ورداسىندا «مەملەكەتتىك جانە ءمۋنيسيپالدى باسقارۋ» ماگيسترى بىلىكتىلىگىن يەلەندى.

ەڭبەك جولىن 2009 جىلى ماسكەۋ قالاسىندا  «كورال گرۋپپ» جشق باس ديرەكتورىنىڭ ورىنباسارى لاۋازىمىندا باستادى. 2011 جىلدىڭ قاراشاسىندا «سەرۆيس ي تەحنولوگيي ينۆەست» جشق باس ديرەكتورى بولىپ تاعايىندالدى. 2012-2014 جىلدار ارالىعىندا ەۋرازيالىق ەكونوميكالىق كوميسسيانىڭ ەنەرگەتيكا جانە ينفراقۇرىلىم بويىنشا كوللەگياسى (مينيستر) مۇشەسى سەكرەتارياتىنىڭ كونسۋلتانتى، كەيىن كەڭەسشىسى بولىپ قىزمەت اتقاردى.

جاڭا ورىنباسارىن تانىستىرعان دانيال احمەتوۆ الماسحان سماتلايەۆقا  ايماقتاعى قارجى ءتارتىبىن كۇشەيتۋگە، سونىمەن قاتار بيۋدجەتتەن تىس قارجى كوزدەرىنە باسا نازار اۋدارۋدى تاپسىردى.

بۇعان دەيىن اتالعان لاۋازىمىن يەسى بولعان رينات مۇرات ۇلى وماروۆ ەندى شىعىس قازاقستان وبلىسى اكىمىنىڭ اپپاراتىن باسقارادى.

شقو اكىمىنىڭ باسپا ءسوز قىزمەتى

 

https://dalanews.kz/33561