سەرگەي شويعۋ رەسەيدىڭ قورعانىس ءمينيسترى قىزمەتىنەن بوساتىلدى. پۋتين ونى باسقا قىزمەتكە تاعايىندادى، - Dalanews.kz.
ەندى ەكس-مينيستر شويعۋ رەسەيدىڭ قاۋىپسىزدىك كەڭەسىنىڭ حاتشىسى قىزمەتىن اتقارادى. ال بۇل قىزمەتتە بولعان نيكولاي پاترۋشيەۆ قىزمەتىنەن كەتتى.
"پاترۋشيەۆ باسقا جۇمىسقا اۋىسۋىنا بايلانىستى حاتشى قىزمەتىنەن بوساتىلدى. ول ءالى جۇمىسىن جالعاستىرىپ جاتىر، الداعى كۇندەرى قايدا تاعايىندالعانىن حابارلايمىز. شويعۋ قاۋىپسىزدىك كەڭەسىنىڭ حاتشىسى لاۋازىمىندا پرەزيدەنتتىڭ اسكەري-ونەركاسىپ كەشەنى جونىندەگى كوميسسياداعى ورىنباسارى بولادى"، - دەپ ءتۇسىندىردى رەسەي پرەزيدەنتىنىڭ باسپا ءسوز حاتشىسى دميتريي پەسكوۆ.
بۇعان دەيىن رەسەيدىڭ ۇكىمەتى تولىق وتستاۆكاعا كەتكەن بولاتىن. بۇل ۆلاديمير ءپۋتيننىڭ پرەزيدەنتتىك مەرزىمىنىڭ اياقتالۋىنا بايلانىستى اۆتوماتتى تۇردە بولاتىن پروسەسس.
بۇعان دەيىن گوسدۋما دەپۋتاتتارى ميحايل ءميشۋستيننىڭ پرەمەر-مينيستر بولىپ قايتادان سايلانۋىنا داۋىس بەرگەن بولاتىن.
