قازاقستانداعى ەڭ ٸرٸ كەسٸپكەرلەردٸڭ بٸرٸ سەرٸكجان سەيٸتجانوۆقا تيەسٸلٸ شىمكەنت قالاسىنداعى سپورت سارايى (قازٸرگٸ مۇز سارايى) مەملەكەتكە قايتارىلدى, دەپ حابارلايدى Dalanews.kz.
بۇل شىمكەنت قالاسىنىڭ پروكۋراتۋراسىنىڭ تالاپ ارىزى بويىنشا جٷزەگە استى.
2017 جىلى شىمكەنت قالاسىنىڭ "سپورت سارايى" جشس-نٸڭ 67,09% ٷلەسٸ جەكەشەلەندٸرٸلٸپ, قۇنى 1 ملرد تەڭگەگە, ياعني نارىقتىق قۇنىنان 8 ەسە از سوماعا ساتىلعانى انىقتالدى.
"سونىمەن قاتار سپورت سارايىن ساتىپ العان ۇيىم جەكەشەلەندٸرۋ رەسٸمٸنە زاڭسىز جٸبەرٸلگەن جەنە جارعىلىق قۇجاتتارعا سەيكەس سپورت سالاسىنداعى قىزمەتتەرمەن اينالىسۋعا قۇقىعى جوق بولعاندىقتان, اۋكتسيونعا قاتىسۋشى رەتٸندە تٸركەلۋگە جاتپايدى. سپورت سارايى وڭتٷستٸك ٶڭٸرلەردە قىسقى سپورت تٷرلەرٸن دايىندايتىن جالعىز ورىن بولىپ سانالادى", - دەلٸنگەن مەلٸمەتتە.
پروكۋراتۋرا وبەكتٸنٸ جەكەشەلەندٸرۋ كەزٸندە مەملەكەت مٷلكٸن قوعام يگٸلٸگٸنە تيٸمدٸ پايدالانۋ قاعيداسىنا سەيكەس باسقارۋدى مٸندەتتەيتٸن "مەملەكەتتٸك مٷلٸك تۋرالى" قر زاڭىنىڭ نورمالارى بۇزىلعانىن العا تارتتى.
"سونداي-اق 5 جىل ٸشٸندە مەملەكەت سپورت سارايىنىڭ ٷي-جايلارىن جالعا الۋعا 1 ملرد تەڭگەدەن استام قارجى جۇمساعان. شىمكەنت قالاسىنىڭ مامانداندىرىلعان اۋدانارالىق ەكونوميكالىق سوتىنىڭ 2024 جىلعى 27 مامىرداعى شەشٸمٸمەن جەكەشەلەندٸرۋ نەتيجەلەرٸ جويىلدى", - دەپ قوستى پروكۋراتۋرا.
ايتا كەتەيٸك, سەرٸكجان سەيٸتجانوۆ Forbes نۇسقاسى بويىنشا قازاقستاننىڭ ەڭ ىقپالدى 50 كەسٸپكەرٸنٸڭ تٸزٸمٸندە تۇر.
وليگارحتىڭ وتباسىنا "وڭتٷستٸك" فتپك تيەسٸلٸ. وسى ارقىلى وتباسى مۇناي ٶندٸرۋشٸ "ساۋتس ويل" جشس-نٸڭ 51%-ىن, Smart-Oil بۇرعىلاۋ كومپانيياسىن, "ستاندارت تسەمەنت" زاۋىتىن, "كاس-بەتون" جشس, "اق-جول ترانسسەرۆيس", "ستاندارت رەسۋرسيس" كومپانييالارىنا يەلٸك ەتەدٸ.
سونداي-اق, وتباسىعا Rixos Khadisha Shymkent, Rixos Turkestan قوناق ٷيلەرٸ, Satti Zhol جقس جەلٸسٸ, وڭتٷستٸك قازاقستان مەديتسينا اكادەميياسى جەنە شىمكەنتتەگٸ يننوۆاتسييالىق-تەحنولوگييالىق كوللەدج تيەسٸلٸ. كەسٸپكەر – "وڭتٷستٸك" فتپك جەنە "ساۋتس-ويل" پرەزيدەنتٸ.
