شىمكەنت قالالىق وتباسى، بالالار جانە جاستار ىستەرى جونىندەگى باسقارماسى تاپسىرىسى بويىنشا «Space solutions» كومپانياسىنىڭ ۇيىمداستىرۋىمەن جوعارى جانە ورتا وقۋ ورىندارى ستۋدەنتتەر اراسىندا «وتباسى – جانۇيا جاراسىمى» اتتى سەمينار-ترەنينگتەر ءوتتى.
اتالمىش شاراعا «ABRIS» ترەنينگ ورتالىعىنىڭ ديرەكتورى مەرگەنباي اقان، «رەسۋرستىق ينكليۋزيۆتى ءبىلىم بەرۋ جانە پسيحولوگيالىق كومەك بەرۋ» ورتالىعىنىڭ جەتەكشىسى، ارت-تەراپيەۆت، تاجىربيەلى پسيحولوگ ايتجانوۆا گۋلنارا، «ستۋدەنتتەرگە پسيحولوگيالىق كومەك كورسەتۋ» ورتالىعىنىڭ باس مامانى باروۆا ايزات جانە جوو ستۋدەنتتەرى مەن ب ا ق وكىلدەرى قاتىستى.
ءىس-شارانىڭ ماقساتى بىلىكتى مامانداردىڭ ءوز تاجىربيەلەرىمەن بولىسە وتىرىپ جاستار اراسىندا وتباسىلىق قۇندىلىقتارىن ناسيحاتتاۋ، جار تاڭداۋ ماسەلەسىندە اقىل-كەڭەس بەرۋ، اجىراسۋ سەكىلدى قوعام كەسەلىنىڭ بولدىرماۋ جولدارىن كورسەتۋ بولدى.
– بۇگىنگى وتكەن سەمينار-ترەنينگتە وتباسى مۇشەلەرىنىڭ ءرولى جايلى پايدالى كەڭەستەر الا وتىرىپ، بولاشاقتا قىز بالاعا تۇرمىسقا شىعار الدىندا «ايەل. كەلىن. انا» دەپ اتالاتىن ماڭىزدى سحەماعا دايىن بولۋ كەرەكتىگىن ءتۇسىندىم. مۇنداي سەمينار-ترەنينگتەر ءجيى وتەتىن بولسا ءبىز سەكىلدى ءاربىر جاس جاۋاپكەرشىلىگى مول تۇرمىستىق ومىرگە قادام باسار الدىندا كوپتەگەن قاجەتتى اقپاراتتاردان حاباردار بولار ەدى»، – دەدى سەمينار-ترەنينگ قاتىسۋشىسى ايگەرىم اقجول.
«رەسۋرستىق ينكليۋزيۆتى ءبىلىم بەرۋ جانە پسيحولوگيالىق كومەك بەرۋ» ورتالىعىنىڭ جەتەكشىسى، ارت-تەراپيەۆت، تاجىربيەلى پسيحولوگ ايتجانوۆا گۋلنارا وتباسىندا اتا-انا مەن بالا اراسىنداعى قارىم-قاتىناس جايلى، ۇلكەن، ورتا جانە كىشى بالانىڭ پسيحولوگياسى، ولاردىڭ جەكە اتقاراتىن ءرولىنىڭ ماڭىزدىلىعىن تۇسىندىرسە، «ABRIS» ترەنينگ ورتالىعىنىڭ ديرەكتورى مەرگەنباي اقان جاس وتباسىلارعا نە سەبەپتى اجىراسۋ ءقاۋپى تونەتىندىگى جانە سول كەمشىلىكتەردىڭ قالاي الدىن الۋعا بولاتىندىعى جونىندە ايتىپ ءوتتى.
