ۇل دالا تورىندە ءوتىپ جاتقان ەكسپو-2017 حالىقارالىق مامانداندىرىلعان كورمەسىنە Zhana Talap تۋريستتىك اگەنتتىگى ۇيىمداستىرعان 4 كۇندىك تۋرعا العاشقى 150 وقۋشى كەتتى. بالالاردى شىمكەنت قالاسىنىڭ تەمىر جول ۆوكزالىنان قالالىق ءبىلىم ءبولىمىنىڭ باسشىسى جانات تاجييەۆا مەن اتا-انالارى، ۇستازدارى مەن دوستارى اق جول تىلەپ شىعارىپ سالدى. شىعارىپ سالۋ سالتاناتىندا ۇلتتىق اسپاپتاردىڭ سۇيەمەلدەۋىمەن وقۋشىلار سارايىنىڭ كوركەم ونەرپازدار ۇجىمى وقۋشىلارعا جولاشار ارناۋ ايتتى. «التىن عاسىر» توبىنىڭ ورىنداۋىندا ارمان قالا - استانا جايلى اسەم ءان شىرقالدى.
ءىس-شارا قورىتىندىسىندا قالا مەكتەپتەرى وقۋشىلارىنىڭ قاتىسۋىمەن «ەكسپو. ارمانعا ساپار» فلەشموپ ۇيىمداستىرىپ، اسپانعا شارلار ۇشىردى. وڭىردەگى الەۋمەتتىك از قامتىلعان وتباسى بالالارى مەن وقۋدا وزات، قوعامدىق جۇمىستارعا بەلسەنە قاتىسقان جانە ءبىلىمى مەن ونەگەلى تاربيەسى ءۇشىن وقۋشىلارعا مەملەكەت جانە دەمەۋشىلەر ەسەبىنەن ەكسپو-2017 كورمەسىنە 3 750 وقۋشىعا جولداما بەرىلگەن بولاتىن.
وقو اكىمىنىڭ باسپا ءسوز قىزمەتى
