بۇگىن بۇل تۋرالى وقو وڭىرلىك كوممۋنيكاسيالار قىزمەتىندە وتكەن بريفينگتە وبلىستىق تابيعي رەسۋرستار جانە تابيعات پايدالانۋدى رەتتەۋ باسقارماسىنىڭ باسشىسى يلياس قۇرامىسوۆ ءمالىم ەتتى.
ايتا كەتەرلىگى، وڭىردە 2017-2021 جىلدارعا ارنالعان «شاتقال» ءىس-شارا جوسپارى بەكىتىلگەن. جوسپارلانعان بەس جىل مەرزىم ىشىندە وبلىستا 37 مىڭ گەكتار جەرگە 15 ملن. ءتۇپ ءتۇرلى اعاش كوشەتتەرى وتىرعىزىلاتىن بولادى.
– «شاتقال» جوباسى قاجەتتى كوشەتتەر ورمان شارۋاشىلىعى مەكەمەلەرىندەگى تۇقىمباقتارى ەسەبىنەن قامتاماسىز ەتىلىپ وتىر. 2017 جىلى وسى تۇقىمباقتاردان اۋدان، قالا اكىمدىكتەرىنە 480 مىڭ دانا كوشەت بەرىلسە، اعىمداعى جىلى 2 ملن.-عا جۋىق ءتۇپ كوشەت الىناتىن بولادى، – دەدى يلياس شويبەك ۇلى.
باسقارما باسشىسىنىڭ ايتۋىنشا، ورمان جەرىندە مەكەن ەتەتىن جانۋارلار دۇنيەسىن قورعاۋ بويىنشا كۇزەت قىزمەتكەرلەرىمەن ءبىرقاتار ءىس-شارالار اتقارىلعان. 2017 جىلى 800-دەي رەيدتىك ءىس-شارا ۇيىمداستىرىلىپ، 340 زاڭ بۇزۋشىلىق فاكتىلەرى انىقتالعان. ناتيجەسىندە 3،2 ملن. تەڭگەگە اكىمشىلىك ايىپپۇل سالىنىپ، بۇگىنگى تاڭدا ونىڭ 2،7 ملن.تەڭگەسى ءوندىرىلدى. سونداي-اق، وبلىستا جانۋارلار دۇنيەسىن ساقتاپ قالۋ جانە ءوسىمىن مولايتۋ ماقساتىندا 2017 جىلى جاڭادان 5 تۇقىمباق قۇرىلعان. بۇگىنگى كۇنى اڭ-قۇستاردى الىپ كەلۋ جۇمىستارى جۇرگىزىلۋدە. مۇنداي شارالار رەسپۋبليكا بويىنشا تەك وڭتۇستىك قازاقستان وبلىسىندا عانا ىسكە اسىرىلىپ وتىر.
سونىمەن قاتار، وبلىستىق تابيعي رەسۋرستار جانە تابيعات پايدالانۋدى رەتتەۋ باسقارماسى ورمان القاپتارىنداعى ءورت قاۋىپسىزدىگى ەرەجەسى تالاپتارىن ساقتاۋ جونىندە ۇگىت-ناسيحات جۇمىستارىن تۇراقتى تۇردە جۇرگىزىپ كەلەدى. جىلدا ورمان شارۋاشىلىعى مەن توتەنشە جاعدايلار دەپارتامەنتى قىزمەتكەرلەرىنىڭ قاتىسۋىمەن تاكتيكالىق وقۋ-جاتتىعۋلار وتكىزىلەدى.
وقو اكىمىنىڭ باسپا ءسوز قىزمەتى
https://dalanews.kz/33260
