بۇل تۋرالى وقو اكىمىنىڭ باسپا ءسوز قىزمەتى حابارلادى.
“ناۋرىز پلاستيك” تاۋارلىق بەلگىسىمەن پايدا بولعان ءونىم نارىققا وسىدان بىرنەشە جىل بۇرىن كىردى. زاۋىت بىرنەشە جىلدان بەردى شار، پيراميدا، لەگو-كونسترۋكتورى سىندى ءتۇرلى ويىنشىقتاردى شىعارىپ كەلەدى.
ەندى ءوندىرىس ورنى ءوز ونىمدەرىن شەتەل نارىعىنا شىعارماق.
“قازاقستاندا جاسالعان” ويىنشىقتار شىمكەنت قالاسى مەن وبلىس اۋداندارىنىڭ بارلىق بازارلارىندا ساتىلۋدا. وندىرۋشىلەردىڭ سوزىنە قاراعاندا وتاندىق ءونىمنىڭ جۇڭگو ويىنشىقتارىمەن سالىستىرعاندا باعاسى ەكى ەسە ارزان. كاسىپكەرلەردىڭ ايتۋىنشا، ويىنشىقتار بارلىق حالىقارالىق ەكولوگيالىق ستاندارتتارعا ساي كەلەدى. ساپالى پلاستماسسانىڭ قۇرامىندا توكسين جوق. ءدال وسى سەبەپتى ويىنشىقتار بالا دەنساۋلىعىنا ەشقانداي زيان كەلتىرمەيدى»، – دەلىنگەن حابارلامادا.
ال ءوندىرىس وشاقتارىن ساتىپ الۋعا بولىنگەن اقشانى كاسىپكەرلەر «بيزنەستىڭ جول كارتاسى – 2020» باعدارلاماسى ارقىلى العان. ءوندىرىس ورنى ايىنا 3 مىڭ ءونىم شىعارادى. ونى 10 مىڭعا دەيىن ارتتىرۋعا مۇمكىندىك بار دەيدى كاسىپكەرلەر.
