اشىلۋ سالتاناتىنا وبلىس اكىمى ج.تۇيمەبايەۆ ارنايى قاتىسىپ، مەكەمەگە تەلەديدار سىيعا تارتۋ ەتتى. ءوڭىر باسشىسى ەرەكشە كۇتىمدى قاجەت ەتەتىن جاندارعا الەۋمەتتىك قولداۋ كورسەتۋ ءۇشىن جىل سايىن جەرگىلىكتى بيۋدجەتتەن 9 ملرد. تەڭگە كولەمىندە قارجى بولىنەتىندىگىن ايتتى.
[caption id="attachment_31085" align="alignleft" width="433"]
فوتو. سامات مىرزالييەۆ.[/caption]
– جىلدان جىلعا مۇمكىنشىلىگى شەكتەۋلى جاندارعا دەگەن قوعامنىڭ كوزقاراسى وزگەرىپ، ولاردى قوعامنىڭ ءبىر مۇشەسى رەتىندە قابىلداپ كەلەدى. ۇكىمەتىمىزدىڭ مۇمكىندىگى شەكتەۋلى جاندارعا ارنالعان كەدەرگىسىز كەڭىستىك شارالارى اياسىندا اتقارعان شارالارى دا از ەمەس. وسى جىلى زاماناۋي ۇلگىدە سالىنعان مۇمكىندىگى شەكتەۋلى بالالارعا ارنالعان كۇندىزگى قاتىناۋ بولىمشەسى اشىلدى. وندا، 32 مۇمكىندىگى شەكتەۋلى بالالار ارناۋلى الەۋمەتتىك قىزمەتپەن قامتىلۋدا. سونىمەن قاتار، مۇمكىندىگى شەكتەۋلى ازاماتتارعا قولجەتىمدى ورتا قۇرۋ ماقساتىندا بيىل 219 نىسان بەيىمدەلدى. بۇدان بولەك، 8 مىڭنان استام ازامات ساناتورلىق-كۋرورتتىق جولدامامەن، 2 مىڭعا جۋىق قولاربامەن، 40 مىڭ ادام تەحنيكالىق كومەكشى جانە گيگيەنالىق قۇرالدارمەن، 9 مىڭعا جۋىق ازامات ارناۋلى الەۋمەتتىك قىزمەتتەرمەن قامتىلعان، – دەدى اكىم.
بۇگىنگى اشىلعان ورتالىقتا 18 جاستان اسقان پسيحونيەۆرولوگيالىق اۋرۋلارى بار ءى جانە ءىى توپ مۇمكىندىگى شەكتەۋلى ازاماتتار ارناۋلى الەۋمەتتىك قىزمەتتەرمەن قامتاماسىز ەتىلەدى. ءۇش قاباتتى عيماراتتا دارىگەر كابينەتى مەن ستاماتولوگ، گينەكولوگ دارىگەرلەرىنىڭ كابينەتتەرى مەن كەزەكشى مەدبيكەلەر بەكەتى، تىنىعۋ بولمەسى، ەم قابىلداۋ بولمەسى بار.
[caption id="attachment_31086" align="alignright" width="428"]
فوتو. سامات مىرزالييەۆ.[/caption]
وسى كۇنى ج.تۇيمەبايەۆ دەندرو ساياباقتا «مۇمكىندىگى شەكتەۋلى ازاماتتار كۇنىنە» ارنالعان سالتاناتتى شاراعا قاتىستى. وندا اكىم مۇمكىندىگى شەكتەۋلى جاندار جاساعان قولونەر بۇيىمدارىنىڭ كورمەسىن تاماشالاپ، ارناۋلى ورتالىقتاردىڭ ەمدەلۋشىلەرى مەن وبلىستىق فيلارمونيا انشىلەرى ۇسىنعان كونسەرتتىك باعدارلامانى كوردى.
بۇگىنگى تاڭدا وبلىستا مۇمكىندىگى شەكتەۋلى ازاماتتاردىڭ سانى 119 مىڭ ادامدى قۇرايدى. ونىڭ 15 مىڭنان استامى سوزىلمالى جۇيكە اۋرۋلارىنا شالدىققان جاندار. بۇگىندە وسى ساناتتاعى جاسى 18-دەن اسقان مۇگەدەكتىڭ 1268ء-ى باسقارماعا قاراستى ءتورت ەرەسەكتەرگە ارنالعان ارناۋلى الەۋمەتتىك قىزمەتتەر كورسەتەتىن ورتالىقتاردا تولىعىمەن مەملەكەت قامقورلىعىنا الىنىپ، كەشەندى قىزمەتتەرمەن قامتىلۋدا.
جوعارىدا اتالعان مۇمكىندىگى شەكتەۋلى جانداردىڭ 40 مىڭعا جۋىعى ەڭبەككە قابىلەتتى ازاماتتار. وسى رەتتە، ەڭبەك جارامدى تۇرعىنداردى جۇمىسپەن قامتۋ ماقساتىندا بوس ورىندار جارمەڭكەسى ۇيىمداستىرىلىپ كەلەدى. ناتيجەسىندە 526 ادام تۇراقتى جۇمىسقا ورنالاستىرىلسا، 633 ادام ۋاقىتشا جۇمىسقا جولداندى. ال 226 مۇمكىندىگى شەكتەۋلى ازامات قايتا دايارلاۋ قىسقا مەرزىمدىك كاسىپتىك وقۋعا جىبەرىلدى.
وقو اكىمىنىڭ باسپا ءسوز قىزمەتى
