Ashylý saltanatyna oblys ákimi J.Túımebaev arnaıy qatysyp, mekemege teledıdar syıǵa tartý etti. Óńir basshysy erekshe kútimdi qajet etetin jandarǵa áleýmettik qoldaý kórsetý úshin jyl saıyn jergilikti búdjetten 9 mlrd. teńge kóleminde qarjy bólinetindigin aıtty.
[caption id="attachment_31085" align="alignleft" width="433"]
Foto. Samat Myrzalıev.[/caption]
– Jyldan jylǵa múmkinshiligi shekteýli jandarǵa degen qoǵamnyń kózqarasy ózgerip, olardy qoǵamnyń bir múshesi retinde qabyldap keledi. Úkimetimizdiń múmkindigi shekteýli jandarǵa arnalǵan kedergisiz keńistik sharalary aıasynda atqarǵan sharalary da az emes. Osy jyly zamanaýı úlgide salynǵan múmkindigi shekteýli balalarǵa arnalǵan kúndizgi qatynaý bólimshesi ashyldy. Onda, 32 múmkindigi shekteýli balalar arnaýly áleýmettik qyzmetpen qamtylýda. Sonymen qatar, múmkindigi shekteýli azamattarǵa qoljetimdi orta qurý maqsatynda bıyl 219 nysan beıimdeldi. Budan bólek, 8 myńnan astam azamat sanatorlyq-kýrorttyq joldamamen, 2 myńǵa jýyq qolarbamen, 40 myń adam tehnıkalyq kómekshi jáne gıgıenalyq quraldarmen, 9 myńǵa jýyq azamat arnaýly áleýmettik qyzmettermen qamtylǵan, – dedi ákim.
Búgingi ashylǵan ortalyqta 18 jastan asqan psıhonevrologıalyq aýrýlary bar İ jáne İİ top múmkindigi shekteýli azamattar arnaýly áleýmettik qyzmettermen qamtamasyz etiledi. Úsh qabatty ǵımaratta dáriger kabıneti men stamatolog, gınekolog dárigerleriniń kabınetteri men kezekshi medbıkeler beketi, tynyǵý bólmesi, em qabyldaý bólmesi bar.
[caption id="attachment_31086" align="alignright" width="428"]
Foto. Samat Myrzalıev.[/caption]
Osy kúni J.Túımebaev dendro saıabaqta «Múmkindigi shekteýli azamattar kúnine» arnalǵan saltanatty sharaǵa qatysty. Onda ákim múmkindigi shekteýli jandar jasaǵan qolóner buıymdarynyń kórmesin tamashalap, arnaýly ortalyqtardyń emdelýshileri men oblystyq fılarmonıa ánshileri usynǵan konserttik baǵdarlamany kórdi.
Búgingi tańda oblysta múmkindigi shekteýli azamattardyń sany 119 myń adamdy quraıdy. Onyń 15 myńnan astamy sozylmaly júıke aýrýlaryna shaldyqqan jandar. Búginde osy sanattaǵy jasy 18-den asqan múgedektiń 1268-i basqarmaǵa qarasty tórt eresekterge arnalǵan arnaýly áleýmettik qyzmetter kórsetetin Ortalyqtarda tolyǵymen memleket qamqorlyǵyna alynyp, keshendi qyzmettermen qamtylýda.
Joǵaryda atalǵan múmkindigi shekteýli jandardyń 40 myńǵa jýyǵy eńbekke qabiletti azamattar. Osy rette, eńbek jaramdy turǵyndardy jumyspen qamtý maqsatynda bos oryndar jármeńkesi uıymdastyrylyp keledi. Nátıjesinde 526 adam turaqty jumysqa ornalastyrylsa, 633 adam ýaqytsha jumysqa joldandy. Al 226 múmkindigi shekteýli azamat qaıta daıarlaý qysqa merzimdik kásiptik oqýǵa jiberildi.
OQO ákiminiń baspasóz qyzmeti
