شىمكەنت قالاسىنداعى ەسكٸ قالاشىقتا اشىق اسپان استىنداعى مۇراجاي بولادى. قالاشىقتىڭ تاعدىرى جٶنٸندەگٸ مەسەلە سوڭعى بٸرنەشە جىل بويى قوزعالىپ كەلگەن ەدٸ. ەندٸ, مٸنە, ارنايى باعدارلامانىڭ نەتيجەسٸندە بۇل تاريحي ەسكەرتكٸش تۋريستەر مەن كٶنەنٸڭ كٶزٸنە قىزىعاتىن جاندار ٷشٸن ەرەكشە ورىنعا اينالماق. كٶنە قالاشىق ماڭىندا سوڭعى ونداعان جىل بويى سالىنعان قۇرىلىس نىساندارى سٷرٸلەدٸ. ولاردىڭ ورنىنا قورعان-قابىرعا سوعىلاتىن بولادى.
ول قالاشىقتى كەزٸندە قورشاپ تۇرعان قورعانعا ۇقساس ەتٸپ سالىنادى.
قورعاندى بويلاي قولٶنەرشٸلەردٸڭ تۋىندىلارى مەن شەبەرلٸك ورىندارى ورنالاسىپ, ناعىز دەمالىس ورنى پايدا بولادى. ال قورعاننىڭ ٸشٸندە كٶنەنٸڭ كٶزٸنە قىزىعاتىن بارشا جاندار ٷشٸن اشىق اسپان استىنداعى ناعىز مۋزەي بولادى. وندا سەۋلەتشٸلەر ٶزدەرٸنٸڭ قازبا جۇمىستارىن جالعاستىرا بەرمەك.
بۇل تۇستا ەيتەكە بي كٶشەسٸ كەڭەيتٸلٸپ, ال قوناەۆ داڭعىلى ەسكٸ قالاشىق ارقىلى جالعاسىپ, ەيتەكە بي كٶشەسٸنە بارىپ قوسىلاتىن بولادى. قۇرىلىس جۇمىسى 2018 جىلى باستالادى. نەگٸزگٸ بٶلٸگٸ 2020 جىلعا قاراي اياقتالماق. وسى جىلى قالاشىق ورنىندا شىمكەنت ٶزٸنٸڭ 2200 جىلدىعىن اتاپ ٶتەدٸ دەپ جوسپارلانۋدا. ايتا كەتەيٸك, شىمقالانىڭ بۇل جاسى وسى قالاشىقتا جٷرگٸزٸلگەن قازبا جۇمىستارىنىڭ نەتيجەسٸندە تابىلعان جەدٸگەرلەرمەن ناقتىلانعان.
