شىمكەنت قالاسى اكىمىنىڭ ورىنباسارى قىزمەتىنە ەرجان سەيتەنوۆ تاعايىندالدى. ول بۇعان دەيىن قالا اكىمى اپپاراتىنىڭ باسشىسى قىزمەتىن اتقارعان، دەپ حابارلايدى Dalanews.kz.
قالا اكىمدىگىنىڭ Instagram-داعى رەسمي پاراقشاسىنداعى مالىمەتكە سايكەس، ق ر پرەزيدەنتى اكىمشىلىگىنىڭ كەلىسىمىمەن جانە شىمكەنت قالاسى اكىمىنىڭ وكىمىنە سايكەس ەرجان سەيتەنوۆ جاڭا لاۋازىمعا تاعايىندالدى.
ەرجان سەيتەنوۆ 1974 جىلدىڭ 18 قىركۇيەگىندە قىزىلوردا وبلىسىنىڭ جاڭاقورعان اۋدانىندا دۇنيەگە كەلگەن. ەڭبەك جولىن 1990 جىلى جاڭاقورعانداعى تەمىربەتون بۇيىمدارىن شىعاراتىن كاسىپورىندا جۇمىسشى بولىپ باستاعان.
2002–2016 جىلدارى جەكە سەكتوردا ءتۇرلى جاۋاپتى باسشىلىق قىزمەتتەر اتقارعان.
2016–2021 جىلدارى الماتى قالاسىندا جەردى پايدالانۋ مەن قورعاۋدى باقىلاۋ، جاسىل ەكونوميكا جانە تۇرعىن ءۇي ساياساتى باسقارمالارىنىڭ باسشىسى قىزمەتىن اتقاردى.
