بۇل تۋرالى شىعىس قازاقستان وبلىسىنىڭ اكىمىنىڭ ورىنباسارى اسەم ءنۇسىپوۆا سەمەي قالاسىندا كامەلەتكە تولماعانداردىڭ ىستەرى جانە ولاردىڭ قۇقىقتارىن قورعاۋ بويىنشا وبلىستىق كوميسسيانىڭ كوشپەلى وتىرىسىن ايتتى.



جيىندا كۇن تارتىبىندەگى ماسەلەلەر ءسوز بولىپ، ولاردى شەشۋ جولدارى تالقىلاندى.

اتاپ ايتار بولساق، بالا اسىراۋشى وتباسىنا تاربيەلەۋگە بەرىلگەن بالالاردىڭ قۇقىقتارىن قورعاۋ بويىنشا شارالار، وسكەمەن قالاسىندا مەملەكەتتىك-جەكە مەنشىك سەرىكتەستىك قاعيداتتارى بويىنشا مەكتەپ اسحانالارىن جاڭعىرتۋ تاجىريبەسى جانە «جاستار جىلىنا» ارنالعان ءىس-شارالاردى ىسكە اسىرۋ تالقىلاندى جانە قارالدى.

وتىرىس جۇمىسىنا كوميسسيا مۇشەلەرى جانە قالالار مەن اۋدانداردىڭ ءبىلىم بولىمدەرىنىڭ باسشىلارى، ال قالالار مەن اۋدانداردىڭ اكىمدىكتەرى - ونلاين رەجيمدە قاتىستى.

اسەم ءنۇسىپوۆانىڭ ايتىپ وتكەنىندەي وبلىستا 0-دەن 18 جاسقا دەيىنگى 361 362 بالا بار.

[perfectpullquote align="full" bordertop="false" cite="" link="" color="" class="" size=""]ونىڭ ىشىندە 2735ء-ى جەتىم جانە اتا-اناسىنىڭ قامقورلىعىنسىز قالعان بالالار، ولاردىڭ ىشىندە 638 بالا ءبىلىم بەرۋ ۇيىمدارىندا، 103 بالا دەنساۋلىق ساقتاۋ ۇيىمدارىندا جانە 80 بالا حالىقتى الەۋمەتتىك قورعاۋ جۇيەسى ۇيىمدارىندا.
بالا اسىراۋشى وتباسىندا 1914 بالا تاربيەلەنۋدە، ونىڭ ىشىندە 1746-ى قامقورلىقتا جانە 168ء-ى پاتروناتتىق تاربيەدە.[/perfectpullquote]

وتىرىس بارىسىندا بالا اسىراۋشى وتباسىنا تاربيەلەۋگە بەرىلگەن بالالاردىڭ قۇقىقتارىن قورعاۋ بويىنشا، بەسقاراعاي جانە كۇرشىم اۋداندارىنىڭ ءبىلىم بەرۋ بولىمدەرى وتكىزەتىن ءىس-شارالار قاراستىرىلدى.

وكىنىشكە وراي، اتالعان اۋدانداردا بالالار ۇيلەرىنەن قامقورلىققا العان بالالاردىڭ قايعىلى ولىمدەرى ورىن العان.

"بەسقاراعاي جانە كۇرشىم اۋداندىق ءبىلىم بەرۋ ءبولىمىنىڭ باسشىلارى س. ومارعازين جانە ب. ەلۋبايەۆ بارلىق وسى بالالاردىڭ تاعدىرى اسىراپ الۋشى اتا-انالارعا بايلانىستى ەكەنىنە قاراماستان، جەرگىلىكتى اتقارۋشى ورگاندار ءوز جاۋاپكەرشىلىكتەرىن جويمايتىنىن جانە ولاردىڭ اسىراپ الۋشى وتباسىنداعى ومىرىنە باقىلاۋ جاسايتىنىن ايتتى"، – دەيدى اسەم ءنۇسىپوۆا.