تاۋەلسىزدىكتىڭ العاشقى جىلدارى ءبىلىم سالاسىنداعى وڭتايلاندىرۋ ءىسى مەكتەپكە دەيىنگى مەكەمەلەرگە سالقىنىن تيگىزگەنى بەلگىلى. وڭىردە بالاباقشالارىڭ ۇلەسى 896-دان 62 بىرلىككە قىسقارعانىن توقىراۋ جىلدارىنىڭ قانشالىقتى قيىن بولعانىن بايقاۋعا بولادى.
ەل ەكونوميكاسى قالىپقا كەلگەننەن كەيىن وبلىس اۋماعىندا جاڭا بالاباقشالار سالىنىپ، جاعداي وڭالا باستادى. وسى رەتتە وڭىردە قابىلدانعان «بالاباقشاعا بارامىز» جانە «بالاپان» باعدارلاماسىنىڭ ارقاسىندا شىعىس قازاقستان وبلىسىنداعى 3-6 جاس ارالىعىنداعى بالالار ءجۇز پايىز مەكتەپكە دەيىنگى مەكەمەمەن قامتىلعانىن اتاپ ايتۋعا بولادى.
تاۋەلسىزدىك جىلدارى توقىراۋ جىلدارى جابىلىپ قالعان 278 بالاباقشاعا كۇردەلى جوندەۋ جۇمىستارى جۇرگىزىلىپ، 33 مىڭنان استام بۇلدىرشىنگە ەسىگىن ايقارا اشتى. بۇدان باسقا وبلىستاعى مەكتەپكە دەيىنگى مەكەمەلەر سانىنىڭ ارتۋىنا جەكەمەنشىك بالاباقشالاردا ءوز ۇلەسىن قوسقانىن ايتا كەتۋىمىز كەرەك.
وبلىستىق ءبىلىم ءبولىمنىڭ تاراتقان مالىمەتىنشە، قازىرگى تاڭدا وبلىس اۋماعىندا 795 بالاباقشادا 70 536 ءبۇلدىرشىن تاربيلەنۋدە. بالاباقشالاردىڭ ءبارى زامان تالبىنا جاۋاپ بەرەدى.
