شىعىستا تاسقىننان زارداپ شەككەندەر جاقىن ارادا باسپانالى بولادى
گلۋبوكوەگە 60 ميلليون تەڭگە بٶلٸنبەك
جيىن بارىسىندا اۋدان-قالا باسشىلارى ٶڭٸرلەردە قالىپتاسقان جاعدايمەن تانىستىرىپ, سۋ باسقان ەلدٸ مەكەندەردەگٸ اپات سالدارىن جويۋ جۇمىستارى تۋرالى باياندادى. مەسەلەن, سوڭعى بٸرنەشە كٷن بويى جاۋعان جاڭبىردىڭ سوڭى ٶسكەمەن مەن ريددەر قالالارىندا, سونداي-اق گلۋبوكوە, شەمونايحا, كاتونقاراعاي, زىريان اۋداندارىندا سۋ تاسقىنىنا ۇلاسىپ, نەتيجەسٸندە بٸرقاتار ەلدٸ مەكەن حالقى قاۋٸپسٸز جەرگە كٶشٸرٸلگەن. سوڭعى مەلٸمەتكە سٷيەنسەك, وبلىس بويىنشا 481 جەكە تۇرعىن ٷيدٸڭ يەلەرٸ قىزىل سۋ زاردابىن تارتقان. بۇل اپات ەسٸرەسە گلۋبوكوە اۋدانىنىڭ حالقىنا اۋىر تيدٸ. مۇنداعى بەلوۋسوۆكا, پرەدگورنوە جەنە پروگرەسس سيياقتى ەلدٸ مەكەندەردٸڭ تۇرعىندارى قينالىپ قالدى. اۋدان بويىنشا 175 تۇرعىن ٷيدٸ سۋ باسىپ, 565 ادام قاۋٸپسٸز جەرگە كٶشٸرٸلگەن ەكەن. سەلەكتورلىق جيىن الدىندا پروگرەسس اۋىلىندا ارنايى بارىپ قايتقان وبلىس ەكٸمٸ جەرگٸلٸكتٸ تۇرعىندارمەن كەزدەسٸپ, تابيعي اپاتتان زارداپ شەككەندەرگە مٸندەتتٸ تٷردە كٶمەك كٶرسەتٸلەتٸنٸن جەتكٸزدٸ.
– جاڭا عانا گلۋبوكوە اۋدانىنان كەلدٸم. راس, ونداعى جاعداي مەز ەمەس. دەگەنمەن, جەرگٸلٸكتٸ حالىق سابىرلىق تانىتۋدا. سول ٷشٸن جەرلەستەرٸمە العىس ايتامىن. قالاي بولعاندا دا, بٸز ولاردى قولداۋسىز قالدىرمايمىز. زارداپ شەككەندەرگە مەكتەپتەن ۋاقىتشا تۇراتىن ورىندار بٶلٸندٸ. پروگرەستٸكتەرگە بٸرنەشە كٷننٸڭ ٸشٸندە كەلتٸرٸلگەن شىعىن مٶلشەرٸ انىقتالىپ, ٷيلەرٸ تۇرۋعا جارامسىز بولىپ قالعاندارىنا جاڭا باسپانا بەرٸلەتٸنٸن جەتكٸزدٸم. قاجەت جاعدايدا, بۇل ماقساتقا بەلوۋسوۆكاداعى 50 پەتەرلٸ ٷيدەن باسپانا بٶلەتٸن بولامىز. بۇعان قوسا, باسپانا مەسەلەسٸن تەز ارادا شەشۋ ٷشٸن گلۋبوكوە اۋدانىنا وبلىستىق بيۋدجەتتەن 60 ميلليون تەڭگە بٶلٸنبەك, – دەگەن وبلىس ەكٸمٸ تابيعاتتىڭ توسىن مٸنەزٸنە تاپ بولعان گلۋبوكوەلىقتاردىڭ ازىق-تٷلٸك, كيٸم-كەشەك سيياقتى تۇرمىستىق قاجەتتٸلٸكتەرٸنە قوسىمشا 10 ميلليون تەڭگە باعىتتالعانىن دا اتاپ ٶتتٸ.
ايماق باسشىسى اتاپ كٶرسەتكەندەي, دەل وسىنداي جۇمىستار شەمونايحا اۋدانىندا دا جٷرگٸزٸلەتٸن بولادى. اتالمىش اۋداندا سۋ تاسقىنىنان 42 ٷي زارداپ شەككەن. ال ٶسكەمەن قالاسىندا 15 ٷي سۋ استىندا قالعان. قازٸر قىزىل سۋ ەلەگٸن تارتقان تۇرعىنداردىڭ ٷيلەرٸ مەن قورا-قوپسىلارىن مۇز كەسەكتەرٸ مەن توڭ باتپاقتان تازارتۋ جۇمىستارى جٷرگٸزٸلٸپ جاتىر. جاعداي بٸرتٸندەپ قالپىنا كەلە باستاعانداي. دەگەنمەن, جيىندا وبلىس ەكٸمٸ كەيبٸر ٷيلەر تۇرۋعا جارامسىز بولىپ قالعانىن ايتىپ, قۇزىرلى مەكەمەلەر باسشىلارىنا دالادا قالعان تۇرعىنداردى باسپانامەن قامتۋ مەسەلەسٸن تەزٸرەك شەشۋدٸ تاپسىردى.
قايىرىمدىلىق قورلارى قۇرىلادى
– اياگٶز قالاسىندا ٷي كەزەگٸندە تۇرعان ەلٸ 19 وتباسى بار ەكەن. بۇل ادامدار كٶپ كەشٸكتٸرمەي باسپانالى بولۋى كەرەك. اۋدان باسشىسى باقىتجان باياحمەتوۆكە ٷش كٷننٸڭ ٸشٸندە بۇل مەسەلەنٸ شەشۋدٸ تاپسىرامىن. سونىمەن قاتار شاھارداعى سۋ تاسقىنىنان زارداپ شەككەن تاعى 109 ٷيدٸ جٶندەۋ جۇمىستارىن باستاۋ قاجەت. بۇل جۇمىستاردىڭ جوبالىق-سمەتالىق قۇجاتتاماسى ەزٸر. سوندىقتان ٸسكە كٸرٸسۋ كەرەك. دەل وسىنداي جۇمىس شەمونايحا جەنە گلۋبوكوە اۋداندارىندا دا جٷرگٸزٸلۋٸ تيٸس. جەر-جەردە كوميسسييالار قۇرىلدى, شىعىن مٶلشەرٸ انىقتالۋدا. الايدا جەرگٸلٸكتٸ ەكٸمدەر قۇجاتتار دايىن بولعان كەزدٸ كٷتٸپ, قول قۋسىرىپ وتىرا بەرمەي, قازٸردەن باستاپ سول ەلدٸ مەكەندەردە ساتىلىمعا شىعارىلعان تۇرعىن ٷيلەردٸ ساتىپ الۋ جاعىن ويلاستىرا بەرۋٸ قاجەت. قازٸرگٸ باستى ماقساتىمىز – مەكتەپتەر مەن تۋىستارىن پانالاپ وتىرعان جەرلەستەرٸمٸزدٸ ٷيمەن قامتاماسىز ەتۋ, – دەگەن وبلىس ەكٸمٸ سونىمەن قاتار كاتونقاراعاي اۋدانىنىڭ ەكٸمٸنە دە ٷلكەن نارىندا قارعىن سۋدان بٷلٸنگەن ٷش ٷيدٸڭ يەلەرٸنە تەزٸرەك جاڭا باسپانا تاۋىپ بەرۋدٸ جٷكتەدٸ.
ايماق باسشىسى سونداي-اق الداعى ۋاقىتتا شىعىس قازاقستاندا تيٸستٸ قايىرىمدىلىق قورلارى قۇرىلىپ, ولارعا وبلىستىق قازىنادان قوماقتى قاراجات بٶلٸنەتٸنٸن جەتكٸزدٸ.
– اۋداندارداعى قالپىنا كەلتٸرۋگە بولاتىن ٷيلەردٸ جٶندەيتٸن بولامىز. بۇل ٷشٸن ٶسكەمەننەن قۇرىلىسشىلاردى شاقىرتامىز. تاعى بٸر مەسەلە, ارىقتاردى تازالاۋعا قاتىستى. بٷگٸن پروگرەسس سيياقتى ەلدٸ مەكەندەرگە ەسكەريلەر جٸبەرٸلٸپ, اۋىلداعى ارىقتاردى تازالاۋ جۇمىستارىنا تارتىلۋدا. بٸراق بولاشاقتا مۇنداي ٸس-شارالاردى جەرگٸلٸكتٸ تۇرعىنداردىڭ ٶزدەرٸ جٷرگٸزۋٸ تيٸس. وسىنى اۋىل-ايماقتاعى اعايىنعا تٷسٸندٸرٸپ ايتىڭىزدار, – دەدٸ وبلىس ەكٸمٸ دانيال احمەتوۆ.
جيىن بارىسىندا سونىمەن قاتار, وبلىستىق تٶتەنشە جاعدايلار دەپارتامەنتٸنٸڭ تەحنيكالىق بازاسىن جەتٸلدٸرۋ ماقساتىندا جەرگٸلٸكتٸ بيۋدجەتتەن قوماقتى قاراجات بٶلٸنەتٸنٸ بەلگٸلٸ بولدى. ايماق باسشىسىنىڭ ايتۋىنشا, اتالمىش دەپارتامەنت رەسپۋبليكالىق بيۋدجەتتەن قارجىلاندىرىلاتىنىنا قاراماستان, وبلىس باسشىلىعى قۇتقارۋشىلارعا 289 ميلليون تەڭگە بٶلگەن ەكەن. الداعى ۋاقىتتا بۇل سومانىڭ مٶلشەرٸ ۇلعاياتىن بولادى.
نۇرجان كەنجەۇلى
