بۇگىن شىعىس قازاقستان وبلىسىنىڭ اكىمى نۇرىمبەت ساقتاعانوۆ ءتۇرلى سالادا تولاعاي تابىستارعا قول جەتكىزىپ جۇرگەن ايەلدەر قاۋىمىمەن كەزدەستى،- دەپ حابارلايدى Dalanews.kz
8 ناۋرىز مەرەكەسى قارساڭىندا نۇرىمبەت ساقتاعانوۆ شىعىسقازاقستاندىق ايەلدەردىڭ كەز كەلگەن نارسەنى شىن جۇرەكپەن جاساپ، ۇيلەسىمدىلىك پەن سۇلۋلىق سىيلايتىنىن اتاپ ءوتتى. وڭىردەگى نازىك جاندىلار ءبىلىم مەن دەنساۋلىق ساقتاۋ، بيزنەس، ونەركاسىپ سالالارىندا ەڭبەك ەتىپ كەلەدى. ولار جوعارى ناتيجەلەرگە قول جەتكىزىپ، وبلىستىڭ الەۋمەتتىك-ەكونوميكالىق دامۋىنا ولشەۋسىز ۇلەس قوسۋدا. دەگەنمەن ايەلدەر مەيىرىمدى ءارى قامقور انا مەن اجە، اياۋلى جار، ادال دوس بولىپ قالا بەرەدى.
"سىزدەر - سۇلۋلىق پەن نازىكتىكتىڭ سيمۆولىسىزدار. ءارقايسىڭىزدىڭ تابىسقا جەتۋ جولدارىڭىز بولەك، ءبىراق سىزدەردى سەنىمدىلىك، جاۋاپكەرشىلىك جانە جۇمىسقا دەگەن ادالدىق بىرىكتىرەدى. وسكەلەڭ ۇرپاققا كورسەتىپ كەلە جاتقان ۇلگى-ونەگەلەرىڭىز ءۇشىن، دانالىقتارىڭىز بەن باعا جەتپەس تاجىريبەلەرىڭىز ءۇشىن العىس ايتامىن"، - دەدى نۇرىمبەت ساقتاعانوۆ.
جيىنعا ءبىلىم، دەنساۋلىق ساقتاۋ، اۋىل شارۋاشىلىعى، شاعىن جانە ورتا بيزنەس، ونەركاسىپ جانە ۇكىمەتتىك ەمەس ۇيىمداردىڭ وكىلدەرى قاتىستى.
شقو انا مەن بالا ورتالىعىنىڭ باس اكۋشەر-گينەكولوگى يرينا نوساكوۆانىڭ ەرلىگى كوپتىڭ ەسىندە. ول باسسەينگە باتىپ كەتە جازداعان بالانى امان الىپ قالعان ەدى. كەزدەسۋ قاتىسۋشىلارى ءومىرىنىڭ تالاي جىلىن سۇيىكتى ىسىنە ارناعان 88 جاستاعى تراكتورشى قازيا مۋسينامەن دە تىلدەستى. ءبىلىم سالاسىنىڭ ارداگەرى ءسابيرا قارىبايەۆا، كاسىپكەر وكسانا كۋچەرينا، وبلىس اكىمىنىڭ شتاتتان تىس كەڭەسشىلەرى زارينا كاماسوۆا، ولگا كۋزوۆليەۆا كەزدەسۋدەن العان اسەرلەرىمەن ءبولىستى. ولار شىعىسقازاقستاندىقتاردىڭ ءومىرىن قالاي جاقسارتۋعا بولاتىنى جونىندە تاجىريبە الماسىپ، كەڭەس بەردى.
ءوڭىر باسشىسى جۇمىسشى ماماندىق وكىلدەرىنە دە ەرەكشە كوڭىل ءبولدى. ولاردىڭ ەڭبەگى كوپ جاعدايدا كوزگە كورىنبەيدى، ءبىراق ءوڭىر ەكونوميكاسىنا زور ۇلەس قوسىپ كەلەدى. سوندىقتان ولاردىڭ بەدەلىن ارتتىرۋ ءۇشىن قازاقستان رەسپۋبليكاسىنىڭ پرەزيدەنتى 2025 جىلدى «جۇمىسشى ماماندىقتارى جىلى» دەپ جاريالادى.
ەرەسەكتەرگە ارنالعان يپپوتەراپيانى دامىتۋ، پەرزەنتحانانى قايتا قۇرۋ سىندى وبلىس تۇرعىندارى ءۇشىن ماڭىزدى تاقىرىپتار تالقىلاندى. بۇل نازىك جاندىلاردىڭ وزەكتى ماسەلەلەر تۋرالى ۇنەمى الاڭداپ، وڭ وزگەرىستەردى قالايتىنىن تاعى ءبىر مارتە دالەلدەيدى. جيىن سوڭىندا ءوڭىر باسشىسى بارلىعىنا گۇل شوقتارى مەن العىس حاتتار تابىستاپ، ولارعا زور دەنساۋلىق، ماحاببات پەن تابىس تىلەدى.
