Cتراتەگيالىق ماڭىزى بار سۋ شارۋاشىلىعى قۇرىلىستارىنىڭ ءتىزىمى تاعى ءبىر نىسانمەن تولىقتى، دەپ حابارلايدى Dalanews.kz
شىعىس قازاقستان وبلىسىنداعى وبا وزەنىندە سالىناتىن گيدروەلەكتروستانسيا كاسكادى ۇكىمەت قاۋلىسىمەن ەرەكشە ستراتەگيالىق ماڭىزى بار سۋ شارۋاشىلىعى قۇرىلىستارىنىڭ تىزىمىنە ەندى. گەس كاسكادىن سالۋ سۋ تاسقىنى ءقاۋپىن ازايتادى، ءوڭىردىڭ ەلدى مەكەندەرىن قورعاۋ ءۇشىن تاسقىن سۋلاردى سەنىمدى باقىلاۋدى قامتاماسىز ەتۋگە مۇمكىندىك بەرەدى.
سونداي-اق ازاماتتاردى جانە ونەركاسىپتىك نىسانداردى سۋمەن جابدىقتاۋ ءۇشىن جالپى سىيىمدىلىعى 500 ملن تەكشە مەترگە دەيىنگى رەزەرۆۋارلار كەشەنى قۇرۋعا مۇمكىندىك بەرەدى. 3 مىڭ گەكتاردان استام اۋىل شارۋاشىلىعى القابىن سۋارۋعا جانە قوسىمشا ەكولوگيالىق تازا ەلەكتر قۋاتىن ءوندىرۋ ءۇشىن جاعداي جاسالادى.
"وبا وزەنىندە گەس كاسكادىن سالۋ جوباسى ءوڭىردىڭ گيدروەنەرگەتيكالىق ينفراقۇرىلىمىن دامىتۋعا ەلەۋدى جەكە ينۆەستيسيا تارتۋدى كوزدەيدى. گيدروەلەكتروستانسيا جاڭارتىلاتىن كوزدەردەن ەلەكتر قۋاتىنىڭ قوسىمشا كولەمىن وندىرەدى، بۇل جاسىل ەكونوميكانى دامىتۋ جونىندەگى ۇلتتىق ستراتەگياعا سايكەس كەلەدى"، - دەدى سۋ رەسۋرستارى جانە يرريگاسيا ءمينيسترى نۇرجان نۇرجىگىتوۆ.
